Mandatu Long Kontinua, FM Rekomenda Fo Formasaun Lei Klean Ba Membru PNTL Tomak

DILI –Fundasaun Mahein (FM) ne’ebe durante ne’e halo monitorizasaun ba servisu Polisia Nasional Timor Leste (PNTL) no Falintil-Forsa Defeza Timor Leste (F-FDTL), rekomenda ba Komisariu, Longuinhos Monteiru, ne’ebe kontinua lidera PNTL atu fo formasaun lei klean ba membru polisia sira, atu nune’e sira bele halao sira nbia servisu ho professional.

Kestaun ne’e haoto hosi Adjuntu Diretor Fundasaun Mahein (FM), Joao Almeida, ba STL iha ninia servisu fatin Balide-Dili, Tersa (25\06), katak sira rekomenda atu durante tinan rua ne’e oinsa hadia diak liu tan institusaun PNTL.

“Primeiru fo formasaun no treinamentu sira ba PNTL inPartikular formasaun lei no direitus humanus nian, tanba dalabarak Publiku kestiona hanesan atuasaun PNTL nian ne’ebe durante ne’e dala barak hakat liu lei no regras normais sira ne’ebe vigora iha ita nia rai, ida ne’e hanesan atuasaun PNTL nian ba kazu iha Hera tinan kotuk, ne’ebe hamate joventude ida nomos kazu ida ne’ebe PNTL sira halo atuasaun hasoru deputadu foin lalais ne’e, no sira seluk tan ho ida ne’e Fundasaun Mahein nia hare ita nia membru PNTL barak mak seidauk iha komprensaun no intendementu diak ba lei sira ne’e hodi halo liu tiha fali tanba ne’e dala barak Polisia halo julgamentu iha Estrada ninin, tanba formasaun durante ne’e barak liu mak iha area fijiku nian” hatete Joa Almeida

Adjuntu Diretor FM ne’e mos husu ba Komisariu, Longuinhos Monteiro, atu hare mos ba infrastutura no fasilidade iha komando distrital sira, tanba sei iha Perkupasaun barak hosi komando sira, liu-liu fasilidade servisu nian nomos Persija haklean servisu invertigasaun criminal nian. Informasaun kompletu iha STL Jornal no STL web, edisaun Kuarta (26/6). Tomas Sanches

LEAVE A REPLY

Please enter your comment!
Please enter your name here