PN Husu Governu Taka Artemarsiais Ne’ebe Kria Konflitu

DILI–Relasiona ho problema ne’ebe mak akontese iha rai laran nomos rai liur, deskunfia halo hosi  Timor oan balun ne’ebe involve a’an iha Artemarsiais, Membru deputadu sira hosi Komisaun B ne’ebe trata asuntu Negosio Estrangeiru, Defeza e Siguransa Nasionais, husu ba governu atu taka artemarsiais ne’ebe kontinua halo problema.

“Hau hanoin iha ona referensia para governu tenke hare ona no taka ona artemarsiais sira ne’ebe mak kria bebeik konflitu hodi halakon ema nia vida, sunu ema nia uma no buat seluk tan, tanba ne’e atu hakarak ka lakohi governu tenke taka ona tanba sira mos lakohi ona asegura sira ninia organizasaun sira ne’e ne’e signifika katak sira la merese ona atu sai organizasaun ne’ebe mak diak,” hatete deputadu, Cessar Valente de Jesus, ba STL iha uma fukun Parlamentu Nasional (PN) Tersa (2/7).

Deputadu ne’e mos husu ba artemarsiais sira hotu ne’ebe mak iha Timor laran tomak, atu kumpri desijaun governu nian ne’ebe mak fo sai ona no labele halo tuir ida-ida nia hakarak tanba estadu sei foti desizaun ne’ebe forte hasoru artemarsiais ne’ebe malandru.

Iha fatin hanesan Prezidente komisaun B Parlamentu Nasional (PN) deputada, Maria Lurdes Martins de Sousa Bessa, mos hatete relasiona ho problema ne’ebe mak estudante Timor oan sira halo iha Indonesia fo impaktu mos mai TL. Informasaun kompletu iha STL Jornal no STL Web, edisaun Kuarta (3/7). Tomas Sanches

2 COMMENTS

  1. crime barak mosu iha timor tamba falta seguranca,,I liu-liu falta INTELIGENCIA intelicengia hanesan lutu premeiso ba nacao, Segundo mak forca ho ho policia,,,,favor istado tau matan ba ida neeeee!!!!!

LEAVE A REPLY

Please enter your comment!
Please enter your name here