Deskonfia Komete Krime Abujo Poder | Borolaco Amesa kadeia Tinan 4

DILI- Deskonfia Francisco da Costa Borolaco atual Sekretariu Estadu Fortalesementu Institusional komete krime Abuju Poder, amesa kadeia tinan 1 to’o tinan 4 no arguidu Mariano Malik advogadu amesa kadeia metade husi tinan 2 to’o tinan 8 ba krime fraude Fiskal.

Tama iha Alegasaun Ministeriu Publiku nebe reprezenta husi Prokuradora Gloria Alves katak bazea ba deklarasaun husi sasin no mos Arguidu Francisco da Costa Borolaco komete krime Abuzu poder no Mariano Malik Deskonfia komete krime Fraude Fiskal.

Ministeriu Publiku husu ba Tribunal atu hamonu sentensa tinan 1 to’o tinan 4 kadeia ba Arguidu Francisco da Costa Soares Borolaco, tamba komete krime abuzu poder bazea ba artigu 296 kodigu penal no Ministeriu Publiku mos husu Tribunal atu fo pena prizaun metade tinan 2 to’o tinan 8 ba arguidu Mariano malik bazea ba artigu 314 kirme fraude fiscal kodigu penal Timor Leste.

Entertantu Parte Defeza husi Arguidu Francisco da Costa Borolaco no Mariano Malik nebe reprezenta husi advogadu Cancio Xavier husu ba tribunal atu absolve arguidu nain rua husi kazu criminal no sivil tamba arguidu nian rua halo aktividade nee’e tuir lei nebe vigora iha Timor Leste.

Audensia Julgamentu ne’e prezide husi Juiz Koletiva kompostu husi Juiz Julio Gantes, Jacinta Correa, no Antonio do Carmo, Ministeriu publiku Reprezenta husi Prokuradora Gloria Alves no Arguidu Francisco Borolaco hetan asistensia legal husi Advogadu Cancio Xavier no Andre Jeroto entertantu Arguido Mariano Malik haten asistensia husi Advogadu Olga Barreto, Audensia Julgamentu ne’e Adia fali ba loron 25 Julio hodi rona leitora Akordaun. Informasaun kompletu iha STL Jornal no STL Web, edisaun Kuarta (10/7). Timotio Gusmão

LEAVE A REPLY

Please enter your comment!
Please enter your name here