Rezulusaun KM, Taka Artemarsial Tolu, Zero Toleransia Ba PNTL ho F-FDTL

DILI—Sorumutuk Konsellu Ministru (KM), Tersa (2/7), termina ninia politika hodi taka Grupu Arte Marsiais tolu maka, PSHT, Kera Sakti, ho KORK, tanba durante sira la kumpri suspensaun temporária ba prátika Arte Marsiál sira ne’ebé estabelese durante ne’e iha Rezolusaun.

Alende ida ne’e, Governu mos determina, mós, polítika ba “toleránsia zeru” ba membru sira hotu husi PNTL no F-FDTL nian sira ne’ebe mak partisipa iha atividade grupu Arte Marsiál nian, sira hirak ne’e sei hetan sansaun disiplinar, inklui hasai hosi sira nia instituisaun, tuir estatutu disiplinar ne’e rasik.

Iha sorumutuk ida ne’e, KM determina ona estinsaun grupu Arte Marsiál sira mak hanesan PSHT, KORK no KERA SAKTI, nune’e mós medida lubun ida ne’ebé atu hodi estabelese hikas fali orden públika no hakmatek iha sosiedade, ne’ebé hetan ameasa husi hahalok hirak ne’ebé mak grupu ne’e halo

Nune’e haree katak grupu balu husi Arte Marsiál sira la respeita ba prinsípiu sira ne’ebe mak estabelese ona iha Lei 10/2008, loron 16 fulan Jullu, Lei Arte Marsiál nian, la kumpri suspensaun temporária ba prátika Arte Marsiál sira ne’ebé estabelese tiha ona iha Rezolusaun sira Governu nian, iha númeru 35/2011 no 24/2012. Informasaun kompletu iha STL Jornal no STL Web, edisaun Kinta (11/7). Oscar Salsinha*

LEAVE A REPLY

Please enter your comment!
Please enter your name here