PN Agradese Servisu PNTL Iha Distritu

DILI- Maski durante ne’e ho fasilidade nebe’e mak limitadu ba membru Polisia Nasional Timor Leste (PNTL) iha distritu, maibe sira halao sira nia knar nebe’e mak diak, tanba ne’e, Parlamentu Nasional (PN) fo agradese ba knar nebe’e mak sira halao.

Agradesemetnu ne’e hato’o husi deputadu Fretilin Francisco Miranda Branco ba STL katak agradese ba PNTL sira nebe halao servisu ho diak iha distritu sira, maske sira hasoru difikuldade barak, maibe sira kontinua halao servisu ho diak iha distritu.

“Hau senti ita fo agradese ba ita nia PNTL sira nebe’e mak halao sira nia servisu iha distritu, tanba sira bainhira ema sira nebe’e mak uja motor estadu nian iha loron Sabadu no Domingu sira prende hotu, tanba ida ne’e mak ita fo agradese bo’ot teb-tebes ba sira nia servisu, alende sira fo seguransa ba ita nia komunidade sira iha baze, maibe oinsa mak sira atu kontrola mos sasan estadu nia iha distritu ka sub-distritu,” hateten Deputadu bankada FRETILIN  Francisco Branco ba STL iha uma fukun PN, Kuarta (17/07).

Kestaun  hanesan mos reforsa husi Prezidente Komisaun G PN nebe’e mak trata Asuntu Etika Mateus de Jesus katak agradese ba sira nia servisu nebe’e diak, no fiar katak, ba oin ne’e PNTL sira bele halo servisu nebe’e mak ho professional liu tan ba komunidade sira. Informasaun kompletu iha STL Jornal no STL Web, edisaun aban Kinta (18/7). Jasinta Sequeira 

LEAVE A REPLY

Please enter your comment!
Please enter your name here