Kazu Hotel Malinamuk Paradise | Jose Amesa Kastigu Tinan 19 No Selu Indimizasaun Rihun 20

DILI- Kazu nebe hamete Vitima Marcelina Perreira alias Alelo iha Hotel Malinamuk Paradise, Ministeriu Publiku husu Tribunal atu hamonu sentensa kastigu tinan 19 no selu Indimizasaun osan rihun 20, ba Arguidu Jose Rocardo tamba komete iha krime Violensia Domestika no Omesidu Agravadu.

Liu husi Audensia Julgamentu iha Tribunal Distrital Dili Kinta (25/07/2013) tama iha prosesu Alegasaun Ministeriu publiku nebe reprezenta husi Prokurador Oscar Tavares husu ba Tribunal Primeiru Instansia, atu hamonu pena prizaun tinan 19 ba Arguidu Jose Ricardo nomos selu Indimizasaun osan rihun 20 ba familia vitima, tamba vitima hanesan funsionariu organizasaun Nasoens Unidas nebe ninia kontratu seidauk remata, Arguidu hasai nia vida ho intensaun pesoal.

Tuir Prokurador ne’e katak Ministeriu Publiku husu pena no indimizasaun ba Arguidu bazea ba deklarasaun sasin sira nian nomos Arguidu, maske julgamentu primiru Arguidu hili dalan nonok maibe tama iha prosesu alegasaun mak Arguidu foin koalia.

Entertantu parte Defeza Advogadu Privadu Jon Tipett husi Arguidu Jose Ricado informa sei iha sirkustansia barak mak la aprova bazea ba deklarasaun sasin sira nian hatudu laiha prova aujensia nebe hatudu husi Ministeriu Publiku. Informasaun kompletu iha STL Jornal no STL Web, edisaun Sabado (27/7). Timotio Gusmão

LEAVE A REPLY

Please enter your comment!
Please enter your name here