Rekursu Humanus PNTL Sei Menus, Atu Kontrola Atividade Droga

DILI—Atu detekta atividades droga ne’ebe maka komesa tama mai iha Timor Leste (TL), Polisia Nasional Timor Leste (PNTL) sei falta rekursu humanus, tanba atu halo kontrolu ba iha postu hotu iha area fronteira la to’o.

Tuir adjunto komadante Jeral PNTL Komisariu Afonso de Jesus hateten, atu detekta ka kobre hotu areas sira ne’ebe maka ema sempre lori aimoruk droga tama sai, instutusaun PNTL rekoinese duni polisia sedauk bele kobre tanba polisia ninia personil ka rekursu humanus sedauk bele to’o atu kobre seguransa ba iha area hotu.

Ita bele buka mekanismu oinsa atu hodi bele kombate atividades drogas iha rai laran, maibe’e atu kombate atividades drogas, laos dehan polisia mesak deit maibe’e ba sidadaun timor-oan hotu mos bele fo sira nia kontribusaun makas, atu nune’e hodi bele kombate droga nebe’e maka tama ita nia rain ka ita nia nasaun, dehan Afonso ba jornalista sira iha kuartel Jeral PNTL Kaikoli Dili, Segunda (5/8).

Afonso mos sublinha tan katak, tanba ne’e instutusaun PNTL sei presija nafatin personil, atu nune’e hodi bele reforsa tan maluk polisia sira ne’ebe maka halao’o sira nia knar iha postu sira ne’ebe maka hanesan iha areas fronteira. Informasaun kompletu iha STL Jornal no STL Web, edisaun Tersa (6/8). Sonia Ferreira

LEAVE A REPLY

Please enter your comment!
Please enter your name here