PN Husu PNTL Mantein Knar ho Diak

DILI- Reprejentante povu iha uma fukun Parlamentu Nasional (PN) husu ba Polisia Nasional Timor Leste (PNTL), mantein halao sira nia knar ho diak, liu-liu ba iha seguransa.

Deputadu bankada CNRT Mateus de Jesus hateten dadaun ne’e komesa mosu konflitu ki’ik oan iha bairo-bairo, ho nune’e hanesan reprejentante povu nia husu ba PNTL sira atu mantein sira nia knar hodi fo seguransa iha rai laran ho diak.

Ita hare katak, konflitu ki’ik oan balun sei mosu iha bairo-bairo, tanba ida ne’e mak knar PNTL sira nia ne’e importante teb-tebes atu fo seguransa ba ita, liu-liu iha tempu kalan, hodi bele halo patrolia sai tama iha bairo nebe’e mak sempre mosu problema, hateten Deputadu Mateus ba STL iha uma fukun PN, Tersa (6/8).

Deputada bankada FRETILIN Ana Ribeiro hateten, durante ne’e PNTL no F-FDTL sira halao knar diak, hodi fo seguransa ba populasaun sira iha rai laran, tantu iha distritu ka sub-distritu, tanba  sira mak sai lutu ba estadu. Informasaun kompletu iha STL Jornal no STL Web, edisaun Kuarta (7/8). Jasinta Sequeira

LEAVE A REPLY

Please enter your comment!
Please enter your name here