Konselho Ministru Aprova Rejolusaun Rekrutamentu F-FDTL

DILI – Sekretariadu Estadu Defeza Julio Tomas Pinto, hatete Konselho Ministru aprova tiha ona rejolusaun rekrutamentu Falintil Forsa Defeza Timor Leste (F-FDTL) hodi fo autorijasaun ba Sekretariadu Estadu Defeza no F-FDTL atu komesa prosesa rekrutamentu ida ne’e.

Julio Tomas Pinto, hateten iha semana kotuk Konselho Ministru aprova ona rejolusaun ida ne’e no agora hein hela publikasaun iha jornal da republika, kuandu publika ona ekipa hosi Sekretariadu Estadu Defeza hamutuk ho F-FDTL perparadu hodi halo rekrutamentu.

Konaba rekrutamentu rejolusaun Konselho Ministru (KM) aprova tiha ona tanba kulker rekrutamentu Konselho Ministru tenke aprova rejolusaun ida para fo autorijasaun ida ba iha Sekretariadu Estadu Defeza nomos F-FDTL para komesa ona prosesa rekrutamentu ida ne’e, hatete, Julio Tomas Pinto, ba Jornalista sira  iha ninia servisu fatin Kuartel Jeral F-FDTL Fatuhada Kinta (29/08).

Konaba kriterio, JTP hatete agora dadaun prepara ona maibe rigoroju liu kompara ho 2009 to’o 2011, tanba kriteriu ida agora laiha ona ferias hanesan Sabadu no Domingu fila ba uma, kuandu tama ona ba treinu, durante fulan nen nia laran. Informasaun kompletu iha STL Jornal no STL web, edisaun Sabado (31/8). Tomas Sanches

LEAVE A REPLY

Please enter your comment!
Please enter your name here