Kazu Suzana, Seidauk Prosesu Investigasaun, Tanba Autor Sedauk Alta Husi HNGV

DILI— Komandante Polisia Servisu Investigasaun Krime (SIK) superintendente Calisto Gonzaga, hateten konaba kazu Suzana, seidauk tama prosesu investigasaun, ho rajaun autorba kazu ne’e sei halao tratamentu iha Hospital Nasional Guido Valadares (HNGV).

Deklarasaun komandande SIK Calisto ne’e, hodi Hatan ba ejijensia hosi familia vitima Suzana ne’ebe hein hela, bainhira maka prosesu investigasaun ba iha kazu Sunana nee kontinua.

Ita agora elabora hela ho autor para bainhira ninia tratamentu iha Hospital ne’e bele diak lalais para hodi bele loke prosesu investigasaun ba kazu Suzana ninian nee. Ami tenta nafatin hela ba iha Hospital kona ba autor nia tratamentu saude ninian nee, tuir autor nee rasik deklara katak, niania kabun laran maka sei moras hela no doutor rasik dehan nia sedauk bele alta hosi Hospital, tanba ninian moras sedauk diak. Maibe’e Polisia kontinua halo hela seguransa ba autor nee para autor nee mos labele halai, dehan Calisto ba STL iha Kuartel jeral PNTL Kaikoli Dili, Kinta (12/09).

Nia hatutan prosesu ba kazu Suzana, sedauk lao’o tanba informasaun hotu tenke hetan uluk hosi autor. Sira mos ejiji no tenta nafatin bainhira maka autor bele diak no alta hosi Hospital, para prosesu investigasaun nee bele loke. Informasaun kompletu iha STL Jornal no STL Web, edisaun Sesta (13/9). Sonia Ferreira

LEAVE A REPLY

Please enter your comment!
Please enter your name here