Kazu Biogas Ponilala Deskonfia Involve Maun Alin, MP Akuza Agusto- Marcos Sai Arguidu

DILI- Tribunal Distrital Dili Kontinua halo julgamentu ba kazu Biogas iha Ponilala, Distritru Ermera, nebe Ministeriu Publiku Akuza Agosto Martins no Marcos do Santos hanesan maun alin tamba uza osan la tuir lei nebe mak vigora iha nasaun Timor Leste.

Bazea ba akuzasaun husi Ministeriu Publiku nebe fo sai iha primeiru Julgamentu iha loron (03/09/2013) katak arguidu Augostu Martins ho kualidade hanesan kordenador projetu biogas iha suku Ponilala Ermera iha tinan 2007, halo karta proposta ba nia maun arguidu Marcos dos Santos ho kualidade hanesan Diretur Jeral Sekretariu Estadu Politika Energeatika.

Iha loron 27 fevereiriu 2009 Gabinete Sekretariu Estadu Politika Energeatika hato’o karta ba arguidu Marcos sobre projetu refere. Tan ne’e arguidu haruka karta ba diresaun financas hodi aloka osan ho montante $125,570,00 ba arguidu Augusto Martins. Orsamentu refere mai husi fundus sunvensaun publiku.

Arguidu Marcos Ministeriu Publiku akuza katak tuir lolos laiha direitu atu fo autorizasaun  ba nia alin hodi sosa kareta, tan ne’e Ministeriu Publiku akuza arguidu Marcos hanesan autor ba krime administrasaun de noza. No arguidu Augusto hanesan autor ba krime hanesan inklui mos falsifikasaun dokumentus. Informasaun kompletu iha STL Jornal no STL Web, edisaun Kuarta (25/9). Timotio Gusmao

LEAVE A REPLY

Please enter your comment!
Please enter your name here