Labele Akontese Mal Praktika, Infermeiro Labele Dukur

DILI-Atu labele akontese mal administrasaun no mal praktika iha saude hodi halo pasienti ka povu mate. Agensia Saude liliu infermeiro sira nebe ejiji aumenta sira nia osan, tuir los kalan labele toba.  Labele husik estagiado sira halo praktika mesak iha neba, tanba sira estagiado nee koko para atu hatene liu tan.

Reprejentante povu iha uma fukun PN, deputada Ilda da Conceição hatete, mal praktika nebe akontese hodi halo pasiente ida mate iha semana kotuk iha Hospital Nasional Guido Valadares (HNGV), halo husi estudante estagio nebe sona daun mak hodi mate.

Labele husik estagiado sira halo praktika mesak iha kalan, tanba sira estagiado nee koko para atu hatene liu tan.  Nebe presija ema nebe hatene hodi akompania sira. Estagiado sira mak ba bebeik, kal-kalan sira hader, infermeiro sira ba toba diak tiha. Nebe dala ruma ida nee mak sai problema. Estagiado sira la hatene,entaun sira bele sona sala. Tanba tuir informasaun nee katak bainhira sona, pasiente nee hakilar dehan ai sona nee halo moras tan deit, nebe nia hakilar to mate deit. Ida nee  mak tenke tau atensaun husi ministru relevante. Tanba ministra iha nain rua kedas, nebe kalan bele ba to iha neba para hodi hare. Laos ejiji aumenta deit osan, maibe mal praktika akontese hela deit, dehan deputada Ilda liu husi plenaria iha PN, Tersa (24/09).

Liafuan hanesan hatete mos husi Ana da Conceicao Ribeiro katak, mal praktika nebe akontese iha semana kotuk iha HNGV. Akontese mal administrasaun nebe afeita ba iha populasaun nebe mate. Kuando husik hela deit populasaun nebe atu ba halo tratamentu mos tauk ho medico sira. Tanba mal administrasaun nebe akontese, ida nee presija hadia iha ministeriu nia laran. Informasaun kompletu iha STL Jornal no STL Web, edisaun Kuarta (25/9). Domingas Gomes-Jesuina da Costa

LEAVE A REPLY

Please enter your comment!
Please enter your name here