PNTL Husu Ba Komunidade Labele Subar Ema Kriminozu

DILI—Polisia Nasional Timor Leste (PNTL), husu ba komunidade sira labele subar ema kriminozu, kuandu hetan ema krimonozu ruma diak liu fo hatene ba polisia.

Kestaun ne’e hato’o husi komandante interino Servisu Investigasaun Kriminal, inspector Manuel Alves katak, se wainhira polisia halao operasaun mak hetan komunidade balun subar ema kriminozu, maka polisia sei kaer hotu ema hirak ne’e.

Selae bainhira polisia halo operasaun maka hetan, entaun polisia sei kaer hotu ema nebe maka subar ema krimonozu sira, atu nune’e sitasaun iha rai laran bele moris iha ambiente nebe iha dame no paz iha estabilidade nia laran, dehan komadante interniu SIK inspetor Manuel Alves, ba jornalista sira iha kuartel jeral PNTL Kaikoli Dili, Sesta (27/9).

Nune’e mos liu husi dialogu nebe halo hamutuk ho xefi suku sira foin lalais ne’e, komadante PNTL distritu Dili, superintedente xefi Pedro Belo husu ba autoridade lokal sira, bainhira hatene ema krimonozu ida, halo favor labele subar, tenke informa mai polisia. Informasaun kompletu iha STL Jornal no STL Web, edisaun Sabado (28/9). Sonia Ferreira-Tomas Sanches

2 COMMENTS

  1. Dear Redasaun STL,

    Nudar Timor oan hau kontenti tebes bele aseso informasaun nebe STL fornese iha internet liu-liu sira nebe iha rai liur bele update informasaun konaba Timor, no mos se diak liu bele tau mos fotografia ou picture atu nune’e “pembaca STL online” bele hatene klean liutan konaba informasaun refere, exemplu hanesan kasu fatuhada nia suspetu.

    Hakarak informa mos katak karik diak liu informasaun nebe loron ida nia bele fo tomak, labele rohan-rohan deit e husi redasaun dehan “hakarak informsaun kompleto bele hein ba loron aban nian.

    Maka ne’e deit ba atensaun no kolaborasaun nebe diak hau hato’o obrigado wa’in.

    JFC

    Wellington, New Zealand

LEAVE A REPLY

Please enter your comment!
Please enter your name here