FM Identifika Grupu Dewa Mabuk Ho MAGER, Pedro Belo: Labele Halo Tauk Populasaun

DILI – Relasiona ho problema ne’ebe mak akontese foin lalais hodi hamate joventude ida iha Marconi, tuir relatoriu Fundasaun Mahein (FM) katak krime organijadu sira ne’e halo rekruta ba joventude sira ho numeru ne’ebe bo’ot no iha relatoriu FM nian mos identifika tan grupu balu ne’ebe ho naran DEWA MABUK no MAGER (Manusia Geger).

Tuir Adjuntu Direktur Fundasaun Mahein (FM), Joao Almeida, ba jornalista sira iha pres konfres ne’ebe halao iha edifisiu FM Balide Kinta (03/10), hatete iha Agustu krime organijadu sira komesa rekruta joventude sira ho numeru ne’ebe bot ne’ebe involve hosi joventude sira.

Grupu hirak ne’e iha rede operasaun krime organijadu ne’ebe mak ami detekta katak hosi analija no situasaun sira ne’ebe mak akontese no iha grupu hirak ne’e iha forma mos hanesan no dala barak sira halo asaun krime iha komonidade nia let tanba ne’e ami identifika katak grupu Dewa Mabuk ho MAGER (Manusia Geger) forma mos hanesan ho grupu KIBATA no MONSTER ne’ebe mak lansa sira nia operasaun iha sidade Dili, hatete Joao.

Responde ba grupu foun rua DEWA MABUK ho MAGER ne’ebe mak aprejenta hosi NGO Fundasaun Mahein, Komandante Polisia Distritu Dili Superintendente Xefe, Pedro Belo, hatete hare ba faktus ne’ebe iha no labele fo sai rumores arbiru hodi halo tauk populasaun sira iha timor laran tomak. Informasaun kompletu ih STL Jornal no STL Web, edisaun Sesta (4/10).  Thomas Sanches/Joao Anibal

LEAVE A REPLY

Please enter your comment!
Please enter your name here