LFA Muda Ba LFTL, Nilton Gusmão Mantém Prezidente

Liga Futebol Amadora (LFA), muda hikas ona ba Liga Futebol Timor Leste (LFTL), no Nilton Gusmão mantém Prezidente, hafoin hetan tan konfiansa husi kongresista sira iha primeiru kongresu periodu 2020 ate 2023. (Photo: STL News)

DILI, STLNEWS.co – Liga Futebol Amadora (LFA), muda hikas ona ba Liga Futebol Timor Leste (LFTL), no Nilton Gusmão mantém Prezidente, hafoin hetan tan konfiansa husi kongresista sira iha primeiru kongresu periodu 2020 ate 2023.

“Primeiru hau agradese tamba konfiansa ne’ebé kongresista sira fo ona votus aklamasaun mai hau. Planu ba oin hau hanoin tinan tolu ou tinan lima ida nee ita buka atu hadia diak liu tan, liliu ita nia liga,” tenik Prezidente LFTL, Nilton Gusmão ba jornalista sira, hafoin remata kongresu iha Suai Room Timor Plaza, Dili, Sabadu (15/08/2020).

Nia relata atu hadia liuliu iha parte arbitragem nian, no mos iha parte administrasaun ne’ebé liga hasoru, i komprimisiu boot ne’ebé mak iha nia mandatu tinan lima, mai molok husik tinan lima ida tuir mai nee, liga tenke iha nia sede rasik, sede nebe bele lori orgullu ba sosiedade desportiva hotu iha ita nia rain.

Reportajen: Maria Tavares

Editor: Ekipa STL

LEAVE A REPLY

Please enter your comment!
Please enter your name here