Estudante Tuir Demonstrasaun Tenki Uza Vita

Seguransa Aliansa Universitáriu Timor Leste (AUTL), Joaquin Gomes hatete, estudante sira ne'ebé mak tuir demonstrasaun ne'e tenki uza vita mean ka almamater husi Instituisaun eskola nian, nune'e bele kontrola ho diak iha prosesu demonstrasaun nia laran. (Photo: STL News)

DILI, STLNEWS.co – Seguransa Aliansa Universitáriu Timor Leste (AUTL), Joaquin Gomes hatete, estudante sira ne’ebé mak tuir demonstrasaun ne’e tenki uza vita mean ka almamater husi Instituisaun eskola nian, nune’e bele kontrola ho diak iha prosesu demonstrasaun nia laran.

Nia hatete, husi parte seguransa AUTL ba estudante, ne’ebé sai hanesan estudante iha obrigatoriu atu uza sinais hanesan vita, ka almamater husi universidade ida-idak nian, atu nune’e hodi kontrolu nafatin konaba manifestasaun ida ne’e.

“Ba estudante sira ne’ebé mai partisipa iha ne’e, maibe latau vita ami kopera ho parte seguransa PNTL nian, para kontrolu ba estudante sira ne’ebé latau vita haruka ses husi ne’e, tanba latama iha manifestasaun nee,” hatete reprezenta seguransa AUTL, Joaquin Gomes, ba jornalista sira iha Kampus UNTL Liceu, Segunda (17/08/2020).

Nia hatutan, estudante ne’ebé interese ba iha injustisa atu halo demostrasaun ida nee, obrigatoriu tenke uza almamater universidade ka vita nian, para sai massa ida deit ba manifestasaun ida ne’e.

No sira mos dada tali atu bele ema seluk labele tama liu iha manifestasaun ida nee, no mos sira garante katak, sei lamosu dezintendimentu husi parte seluk, tanba iha nee seguransa maximu sira kopera husi universidade seluk hanesan UNTL, DIT, UNITAL, no inklui sira seluk.

Reportajen: Blandina Mauno

Editor: Ekipa STL

LEAVE A REPLY

Please enter your comment!
Please enter your name here