Xanana Vizita Povu Oecusse

Sae Ró - Lider Karismatiku Kay Rala Xanana Gusmao hakat Liu husi eskada to Success ba vizita povu Oecusse, Tersa (18/8/2020). (Photo: Joseph Koa/STL News)

DILI, STLNEWS.co – Iha loron Tersa lokraik, (18/8/2020) Lider Karismatiku Kay Rala Xanana Gusmâo ho nia komitiva, hakat ba vizita povu Oecusse ho Ró Success.

Objetivu husi vizita ida ne’e, atu halao asaun karidade ba populasaun sira iha Oecusse hodi tulun komunidade sira ne’ebé presiza tebes tulun nesesidade baziku husi Lider Karismatiku ne’e no halo mos apelu ba povu Oecusse ne’ebé teritoriu Oecusse haleu ho nasaun vizinu Indonezia atu prevene aan husi moras COVID-19.

Tuir orariu ne’ebé STL asesu husi responsabel masimu asaun karidade, Jacinto Rigoberto katak, vizita Xanana iha Oecusse hahu iha loron Tersa (18/8/2020) ho ró success. Xanana ho nia komitiva sei too iha Oecusse, loron Kuarta (19/8/2020) dadersan, katuas lia nain ho komunidade Oecusse sei simu Xanana Gusmão ho nia komitiva iha Portu Internasional Iwao Kitahara Mahata Oecusse, ho lia dadoli ou takanab.

Hafoin ida ne’e, Lider Karismatiku sei hakat ba vizita amo sira iha rezidensia Paroquia Oecusse, depois kontinua kedan ba iha komunidade sira iha Postu Administrativu Oesilo, liu liu iha suku Bobometo aldeia Oebaha ho Nianapu, hodi halo asaun karidade ba komunidade sira iha ne’eba.

Hafoin Ida ne’e, Lider Karismatiku ne’e sei hakat ba iha aldeia Oe-noah, Hoe-neno no Usapikolen, ne’ebé sei konsentra deit iha Postu Administrative Oesilo hodi halo asaun karidade. Iha biban ne’e mos sei vizita Postu Unidade Polisia Fronteira (UPF) Oesilo, depois hare’e mos fatin demarkasaun fronteira rai rua ne’e nian iha Oesilo, kontinua kedan ninia vizitasaun ba komunidade sira iha Saben no Huebanais ho atividade hanesan, halo asaun karidade no vizita Amo sira iha igreja Paroquia Nossa Senhora de Fatima Oesilo.

Iha loron Kinta (20/8/2020) Dadersan, Lider Karismatiku sei vizita Postu UPF Oben, Postu Administrativu Pasabe suku Abani, nune’e kontinua vizita no halo asaun karidade ba komunidade sira iha suku Malelat no suku Abani Pasabe.

Kontinua ba pagina 2

LEAVE A REPLY

Please enter your comment!
Please enter your name here