FALINTIL Mak Povu Nia Liman Kroat

Prezidente Republika Francisco Guterres Lú Olo hatete FALINTIL mak povu nia liman kroat, tanba FALINTIL mosu iha tempu ne'ebé mak Timor oan fahe malu tanba diverjensia politika. Imajen ne'e STL foti iha seremonia komemorasaun aniversariu Falintin Forsa Defeza De Timor Leste (F-FDTL), ba dala 45 iha Kuartel Jeral Fatuhada Dili, Kinta (20/8/2020). (Photo: STL News/Donaciano Magalhães)

DILI, STLNEWS.co – Prezidente Republika Francisco Guterres Lú Olo hatete FALINTIL mak povu nia liman kroat, tanba FALINTIL mosu iha tempu ne’ebé mak Timor oan fahe malu tanba diverjensia politika.

Prezidente Republika Francisco Guterres Lú Olo hato’o kestaun ne’e liu husi diskursu bainhira partisipa komemorasaun Loron 20 de Agostu iha Kuartel Jeral Fatuhada, Kinta (20/08/2020).

“Maluk veteranu, kombatente no konvidadu sira. FALINTIL mak povu nia liman kroat, FALINTIL mosu iha tempu ne’ebé Timor oan sira fahe malu tanba diverjensia politika, maibe ho lalais deit FALINTIL sira kompriende sira nia misaun prinsipal atu asegura dame ba Povu. Tanba ne’e mak FALINTIL hatan ba apelu husi líderes FRETILIN, Nicolau Lobato, Mari Alkatiri no sira seluk, no iha 20 agostu 1975, sira halao duni Insureisaun Jeral Armada ho objetivu atu hatuur kedas seguransa hodi lori ita-nia povu moris hakmatek fila fali iha 1975.” dehan PR Lu Olo.

PR dehan nuudar brasu armadu FRETILIN nian mak FALINTIL hasoru inkursaun militar Indonezia iha fronteira. Iha momentu ne’eba, hodi fo resposta ba agresaun husi invazor, buka atu hasoru no trava sira-nia inkursaun territoriu TL.

“Ita-nia eroína feto sira mos hamriik hasoru inimigu hodi hatudu sira-nia sentimentu patriota. Konsekuensia ida mak ita lakon eroina diak Maria Tapo, ne’ebé hili dalan atu fo nia moris rasik ba ita-nia Patria. Hau temi nia naran entre heroina sira seluk.” hatete PR.

Kontinua ba pagina 2

LEAVE A REPLY

Please enter your comment!
Please enter your name here