Alezadu Ernesto Tara Aan

Dadersan deit komunidade Bairo Oebau, hakfodak ho mate isin Ernesto Ote, ho alezadu tara aan besik nia kadeira roda iha Oebau ho kadeira roda, hafoin ba hader aifunan husi matebian ida iha sira nia bairo, ohin dadersan tali futu metin iha kakorok no laiha ona iis. (Photo: STL News/Joseph Koa)

AMBENO, STLNEWS.co – Dadersan deit komunidade Bairo Oebau, hakfodak ho mate isin Ernesto Ote, ho alezadu tara aan besik nia kadeira roda iha Oebau ho kadeira roda, hafoin ba hader aifunan husi matebian ida iha sira nia bairo, ohin dadersan tali futu metin iha kakorok no laiha ona iis.

Dadersan nakukun maizumenus tuku lima, oan hakiak ho naran Júlio Elu Ote hakfodak bainhira hare’e nia aman Ernesto ho idade 64 tara-aan iha sira nia uma kotuk ho kondisaun mate.

Kronolojia akontesimentu nee iha Bairro Webau – Aldeia Sanane, Suku Costa, Sub-Rejiaun Pante Makasar, Rejiaun Administrativu Espesiál Oecusse Ambeno (RAEOA), Domingu (23/8/2020) ba jornalista sira iha fatin akontesimentu.

Júlio esplika dehan, horkalan sei ba hela iha mate-uma ida iha bairo laran no matebian fila uluk ba uma.

Bainhira Júlio fila ba uma maizumenus iha tuku 4 dadersan, hare’e nia aman laiha fatin, nia buka tuir ba iha uma kotuk hare’e ba nia aman tara-an hela iha ai ida ne’ebé baibain buka anin fresku iha aimahon ne’e.

Ernesto durante ne’e infrenta moras iha ain tinan barak ona. Doutor sira tesi tiha nia ain tanba labele kura nia kanek. Ernesto halao nia atividade ho deit kadeira roda.

Matebian iha esperiensia nudar karpinteiru. Nia mos simu ona subsidiu ba idozu sira. Oan hakiak ne’e la hanoin katak nia aman ho de’it ain ida bele kesi tali no tau an ba tali no tara aan.

Nia haktuir, baibain nia aman bele hamriik rasik husi kadeira roda ho ain ida bainhira kaer ba dinding ka iha ai ruma.

Tuir observasaun STL katak hafoin akontesimentu ne’e, polísia to’o iha fatin akontesimentu hodi lori matebian ba halo autópsia, no halo investigasaun atu hatene motivu mate loloos.

Reportajen: Joseph Koa

Editor: Ekipa STL

LEAVE A REPLY

Please enter your comment!
Please enter your name here