SSAV Rejistu Moras ISPA Aas

Xefe Sentru Saùde Aileu Villa, Rogeiro da Conceição. (Photo: STL News/Natalina Lopes)

DILI, STLNEWS.co – Sentru Saúde Aileu Villa (SSAV), rejistu moras ne’ebé aas maka Infeksaun Sistema Respiratória Aguda (ISPA), moras kulit no diareia. Ho ida ne’e maka halo hela tratamentu ba pasiente sira.

“Iha Sentru Saude Aileu Villa oras ne’e dadaun, moras ne’ebé maka rejista aas maka Infeksaun Sistema Respiratória Aguda (ISPA), tuir mai moras kulit no diareia, ida ne’e maka fó tratamentu ba pasiente sira ne’e, primeiru hare’e ba inspesaun respiratoriu, hare’e ba kondisaun oras ne’e hasoru maka rai rahun, fornesementu be’e, movimentu transporte hirak ne’e maka fo hela impaktu ba moras sira ba ita nia komunidade,” lia hirak ne’e hato’o husi Xefe Sentru Saùde Aileu Villa, Rogeiro da Conceição, hato’o ba jornalista sira iha Hotel Novu Turismo, Lecidere, Segunda (24/08/2020).

Nia haktuir tan, moras ISPA por volta 60%, dadus sira ne’e foti husi sentru saúde no sira kolekta husi fulan ne’e nian, se konta fali ba iha fulan Janeiru to’o mai entaun numeru ne’e bele boot liu, ida ne’e maka akontese hela iha Sentru Saúde Aileu Villa. Atividade ne’ebé halo hela oinsa atu redus moras sira ne’e maka formasaun saúde iha komunidade sira, no halo komisaun saúde, i uza mos tempu Covid nia hanorin komunidade sira sempre fase liman ho sabaun, no tau maskara ida ne’e maka promove nafatin.

Iha difikuldade ida maka komunidade barak asesu be’e mos ladun diak, be’e depende hela ba fornesementu ne’ebé maka husi parseiru sira, maibe komunidade rasik fornesementu be’e ladun diak, tanba iha tempu bailoron be’e ne’ebé maka kanaliza ba komunidade sira be’e menus, entaun preokupasaun maka ida ne’e iha esforsu hela, maibe buat balu ne’ebé maka atu ajuda ita halo prevensaun la adekuadu.

Sentru Saúde Aileu Villa, iha fulan ida ne’e konsege detekta ema ne’ebé maka mai halo tratamentu ba moras diareia iha 38% halao atendementu, iha balun maka trata iha sentru internamentu, depois halo tranferensia ba iha ospital referal. Maioria kazu diareia ne’e labarik ida ho tinan 5 mai kraik.

Reportajen: Natalina Lopes

Editor: Ekipa STL

LEAVE A REPLY

Please enter your comment!
Please enter your name here