EBF no EBC Oelkaem Hahu Prosesu Aprendizajen

estudante sira husi EBF no EBC Oel-kaem Suku Taiboko, Postu Administrativu Espesial Oecusse-ambeno neebe maka forma hela hodi simu Lider karismatiku Kay Rala Xanana Gusmao neebe halao sensibilizasaun ba COVID iha Oel-kaem Kuarta (26/8/2020). (Photo: STL News/Joseph Koa)

PANTEMACASSAR, STLNEWS.co – Hafoin eskola taka kuaze fulan neen nia laran, eskola filial (EBF) no Eskola baziku sentral (EBC) Oel-Kaem, Suku Taiboco, Postu Administrativu Pantemacassar, Rejiaun Administrativa Espesial Oecusse-Ambeno (RAEOA) iha loron Tersa (25/8/2020) hahu loke fali eskola hodi nunee, bele halao prosesu aprendizajen nunee kontinua kedan ba ezame.

Lia hirak nee hatoo husi Agustinho Neka nudar professor Eskola Baziku Central Oel-kaem hafoin ho komunidade Oelkaem partisipa iha sosializasaun kona ba moras COVID-19 hosi Xanana dehan, serimonia abertura ba prosesu aprendizajen iha Oel-kaem hahu iha loron Tersa, tanba nee preparasaun durante nee lao diak

“Ami komesa horseik komesa halao ona prosesu aprendizajen, liga ho covid-19 ami fahe alunus kada turma 20 pesoas, primeiru, oitavu no nono ho sestu, sira ekola loron tolu, ami fahe tiha ona, depois setimu ano ho kuatru ano ho quinto ano, sira eskola loron rua. Tinan nee failansu barak ba alunu tanba labarik balun lakonsege tama tanba covid ami mos sedauk hatene,” dehan nia.

Nia hatutan, kona ba bee mos, iha Oel-kaem nee araska tanba nee kada loron labarik ida lori aqua botol ida, nunee tau hamutuk iha balde hodi fase liman. Alende nee kona ba ekipamentu kadera no meza menus inklui sala aat hela. Iha tinan kotuk fatin aulas latoo entaun halo deit sala rua ho tali tahan deit maibe kondisaun mos komesa aat ona. Professor neebe hanorin iha nee hamutuk 30 pesoas kompostu husi EBF bimano SMP bimano ho Poas boot.

Konaba ezame, agora ami halao avaliasaun ba primeiru ano no segundu ano ho durasaun fulan tolu deit, hahu setembru too dazembru. Total SD 300 no SMP 200 ital.

Iha oportunidade hanesan estudante, Marselino Elu sente kontente tanba kuaze fulan nee sira hela deit iha uma maibe iha loron horseik komesa ona halao prosesu

Aprendizajen, agradese tanba bele hasoru malu ona ho kolega estudante sira maibe nafatin mantein distansia social, loron-loron mai eskola tenke uza mascara no antes tama eskola, loron loron tenke lori bee hodi tau hamutuk iha kumbang boot neebe eskola prepara, nunee antes tuir prosesu aprendizajen, fase liman hodi hadook aan husi moras Corona.

Reportajen: Joseph Koa

Editor: Ekipa STL

LEAVE A REPLY

Please enter your comment!
Please enter your name here