Xanana Vizita Povu Suku Taiboco

Prezidente Partidu Demokratiku (PD) atual Deputadu hamutuk ho Lider Karismatiku, Kay Rala Xanana Gusmao oferese aihan hafoin halao misaun Covid iha Suku Taiboco, Postu Amdinistrativu Pantemacassar Rejiaun Administrativu especial Oecusse Ambeno (RAEOA), Kuarta (26/8/2020). (Photo: STL News/Joseph Koa)

PANTEMACASSAR, STLNEWS.co – Lider Karismatiku Kay Rala Xanana Gusmao iha loron Kuarta (26/8/2020) ho nia komitiva kontinua hakat ba Komunidade suku Taiboco, Bairo Oel-kaem hodi sensibiliza informasaun kona ba moras COVID-19 no halao asaun Karidade ba Povu kbiit laek sira iha suku nee.

Serimonia sensibizasaun COVID-19 nee hahu ho katuas lia nain sira simu Xanana Gusmao ho hatais tais motif suku Taiboco, Tara tais, lia dadoli (takanab) husi katuas Lia nain sira, bidu tradisional (Bsoot) nunee kontinua akompania Xanana ho nia komitiva tana iha Fatin serimonia. Tema ba sorumutu nee mak Benvindo Avo Nana ho komitiva, domin no karidade mak bele hametin Unidade.

Xefe suku Taiboco, Joaquim Tafin hatoo Benvindo Ba Lider Karismatiku Kay Rala Xanana Gusmao ho nia komitiva katak, maske ho kondisaun estrada ladiak nomos kondisaun Avo Xanana la premite tanba saude maibe iha nafatin epritu domin ba povu, ho nia simplisidade hakuak ema hotu no hadomi ninia povu neebe moris iha ameasa nia laran tanba moras COVID-19.

“Hau ho Komunidade suku Taiboco kompostu husi Aldeia 4 Mak, Aldeia nemun, Ulas, Makelab no Haiboni, sente Orguillu no kontente teb-tebes, tanba maske kondisaun estrada ladiak, bee mos laiha maibe Avo Xanana Lao haleo Timor Leste laran tomak no ohin too hau nia Komunidade iha suku Taiboco hodi Salva Povu tanba moras corona. Avo Xanana esforsu aan nafatin maske idade abansadu ona, kontinua luta atu salva povu husi funu Mundial pandemia Covid-19,” dehan nia.

Nia relata katak, Povu iha suku Taiboco maioria Moris ho agrikultor ka toos nain, tanba nee atu hatoo ba Avo Xanana katak, tinan tinan nee Povu Failla koilleta, tanba udan been ladun sufisiente, nunee produsaun batar no hare tinan nee falla koilleta.

Nia dehan tan katak, problema seluk neebe maka durante nee povu infrenta iha tempu bailoron maka bee mos, lasufisiente ba povu atu hemu, tanba nee maske ho menus bee maibe desde uluk kedan avo no viza avon sira eskoilla fatin ida nee hodi hela, nunee nudar jerasaun kontinuador kontinua hela nafatin ida nee.

Iha oportunidade nee, Lider Karismatiku Kay Rala Xanana Gusmao dehan, nia mai laos asaun karidade maibe lori misaun COVID ba Povu Taiboco. Asaun karidade nee hanesan parte ida hodi kompleta Misaun COVID-19.

“Hau mai ho misaun COVID-19 laos karidade, misaun karidade hanesan kompleta deit, tanba nee hau husu povu Taiboco liu-liu Oecusse atu kopera nunee hamutuk kombate Virus Corona neebe oras nee oho ema juta ida resin no sei kontinua nafatin, ema mate hanesan nehek iha mundu inklui nasaun vizinu Indonesia, tanba nee obriga hau atu fohatene ba povu iha Suku Taiboko hodi matan moris no neon nain ba pesti aat COVID-19.

Kontinua ba pagina 2

LEAVE A REPLY

Please enter your comment!
Please enter your name here