Servisu MS Espesifiku Ba Atendementu Primaria

Akademiku UNTL, Jose Dionisio Ximenes. (Photo: STL News/Natalina Lopes)

DILI, STLNEWS.co – Parte Akademiku UNTL, Jose Dionisio Ximenes observa katak, Ministeriu Saude (MS) nia servisu foka liu ba iha area prevensaun, formasaun no espesifiku iha atendementu primaria, hodi hakbesik aan liu tan ba komunidade sira iha baze.

“Estrutura Ministeriu Saude (MS) nia servisu makaas hodi foka liu ba iha area prevensaun, formasaun no espesifiku iha atendementu primaria hakbesik liu tan ba komunidade sira, ita hotu hatene katak atendementu primaria nee importante liu, oinsa maka atu bele fo atendementu diak liu ba populasaun sira iha baze, tanba nee iha informasaun sira hanesan liu ba haree katak, servisu lubuk ida maka Ministeriu halo ona, ita tenki hatete katak mudansa nee iha,” lia hirak nee hatoo husi Akademiku UNTL, Jose Dionisio Ximenes, ba jornalista sira iha kampus UNTL Caicoli, Kinta (27/08/2020).

Nia haktuir tan, dala ruma haree katak iha politika sira nee mai ho ida-idak nia politika, politika se deit maka ukun ninia intensaun nee maka oinsa atu fo atendementu saude neebe maka diak liu hodi oferese ba ita nia populasaun sira iha baze, tanba nee esforsu tinan 20 nee laos buat ida dehan Timor nee tama ona iha vida dezolve ninia.

“Agora ida uluk komesa husi bebe depois sai joven ona, nee preparasaun aumenta diak liu, tanba governasaun defende ba politika nee atu diak liu kalae defende politika governasaun kada partidu politika neebe manan elisaun, tanba nee hau dehan sira halo ona buat lubuk ida, haree no akompania katak iha buat barak maka halo.” tenik nia.

Nia salienta, entermus haree liu ba parte atendementu no parte formasaun sira halo nee haree katak, ida maka foka liu garantia ona kualidade ba kuidadu primaria, no hospitalar sira iha populasaun sira nia leet, liliu ba iha area remotas mai too iha sidade, ida nee maka sira halo ona, depois ita haree katak kapasitasaun ba iha area rekursu humanus nee mos lao, formasaun iha area rekursu ninia, no utilizasaun rekursu nee rasik.

Reportajen: Natalina Lopes

Editor: Ekipa STL

LEAVE A REPLY

Please enter your comment!
Please enter your name here