JICA – MNEK Asina Akordu

Embaixada Japaun ba Timor Leste liu husi JICA asina akordu ho Ministeriu Negosiu Estranjeiru no Kooperasaun (MNEK), kona-ba bolsa estudu dezenvolvimentu Rekursu Umanu ba dala tolu. (Photo: STL News/Blandina Mauno)

DILI, STLNEWS.co – Embaixada Japaun ba Timor Leste liu husi JICA asina akordu ho Ministeriu Negosiu Estranjeiru no Kooperasaun (MNEK), kona-ba bolsa estudu dezenvolvimentu Rekursu Umanu ba dala tolu. Tuir Embaixador Japaun iha Timor Leste, Masami Kinefuchi katak, dezenvolvimentu rekursu humanus sira konvida funsionariu estadu nian. Atu ba estuda iha Japaun, neebe sira konvida ona ema rihun rua resin husi Timor Leste ba iha Japaun.

“Ami aloka orsamentu ho montante $1.5 milhoes nee ba ema nain 8 kada tinan, kada ema ida depende ba universidade sira nian, katak Masami Kinefuchi ba jornalista sira iha Aula Instituto Diplomasia MNEK Pantai Kelapa, Kinta (27/08/2020).

Embaixador nee hatutan, bolsu estudu nee balun ba iha kurtu prazu, balun iha longu prazu. Mais menus ema atus ida mak sei hetan sira nia diploma husi pos graduasaun Japaun nian. Ba dal ida nee sira sei konvida funsionario governu nian, atu estuda mestradu nian, iha universidade sira iha Japaun.

Tanba nee, ohin ba dal tolu, primeiru ho segundu halao tiha ona, sei hili ba iha Japaun tinan oin, programa bolsa estudu ida nee ami sei kontinua no numeru barak sei konvida atu ba tama iha Japaun ho programa ida nee.

Dezenvolvimentu rekursu humanu iha fakuldade Engenharia UNTL nian, no sira mos konvida estudante ho dosente sira UNTL, atu ba estuda mestradu iha Japaun.

Nunee mos Japaun simu akademi militar iha Timor Leste ba akademia militar Japaun. Ida nee pilar importante ida tanba kooperasaun entre Timor Leste ho Japaun. “Hau fiar katak, ida nee sei fo benefisiu boot ba kooperasaun entre nasaun rua nee,” nia dehan

Iha fatin hanesan Ministra Negosiu Estranjeiru no Kooperasaun (MNEK) Adaljiza Albertina Xavier Reis Magno hatete, Embaixador Japaun iha bolsa estudu barak ona maka sira fo, husi ema 2,000 Timor oan ba ona aprende iha Japaun, ida ohin assina espesialmente ba funsionariu publiku neebe servisu iha instituisaun estadu nian. Sira ba foti mestradu iha japaun determina neebe halo selesaun husi INAP, sira ba eskola iha neeba tuir ida-idak nia estudu neebe maka sira hili, maibe selesaun nee husi INAP.

Tanba durasaun nee komforme materia neebe mak sira hili, neebe balun tinan ida ka rua, maibe ba area hotu kobre hanesan area arte kultura edukasaun inklui seluk depende tensaun husi parte INAP.

Reportajen: Blandina Mauno / Joaninha Belo

Editor: Ekipa STL

LEAVE A REPLY

Please enter your comment!
Please enter your name here