PR Promulga Alterasaun Dekretu Lei Suplementu Remuneratoriu

Prezidente Republika, Francisco Guterres Lú Olo. (Photo: Media PR)

DILI, STLNEWS.co – Iha loron Sesta (28/08/2020) Prezidente Republika Promulga Primeira Alterasaun Ba Dekretu-Lei Suplementu Remuneratoriu.

Liu husi komunikadu neebe mak STL asesu husi media PR Sesta (28/08/2020), hatete Prezidente Republika, Francisco Guterres Lú Olo, iha 28 Agostu, promulga alterasaun dahuluk ba Dekretu-Lei numeru 17/2020, 30 Abril, neebe kria suplementu remuneratoriu ba funsionarius, ajentes no traballadores iha administrasaun publika iha ambitu prevensaun no kontrolu COVID-19 durante implementasaun estadu emerjensia.

Primeira alterasaun ba Dekretu-Lei sei aplika ba implementasaun estadu emerjensia tutuir malu, neebe deklara no renovadu liuhusi Dekretu Prezidente Republika numeru 29/2020, 27 marsu, 32/2020, 27 abril no 35/2020, 27 maiu.

Iha Dekretu-Lei dahuluk, 30 Abril, temi kategoria traballadores neebe halao atividade profisional ba serbisu prevensaun no kontrolu COVID-19, maibe la temi pessoal sira neebe ezerse funsoins iha sala situasaun iha Centro Integrado de Gestão de Crise, neebe harii ho artigu 29 husi Lei numeru 2/2010, 21 abril, Lei Seguransa Nasional, ikus mai funsiona hanesan sala situasaun tuir Diploma Ministerial numeru 14/2020, 31 Marsu.

Centro Integrado de Gestão de Crise mak responsabiliza koordenasaun resposta nasional ba pandemia COVID-19, nomeadamente organiza sentru izolamentu no transporte ema hirak neebe sai sujeitu ba izolamentu obrigatóriu no individu sira neebe suspeitu infetadu ho COVID-19, liuhusi serbisu iha sala situasaun.

Hatutan pajina 2

LEAVE A REPLY

Please enter your comment!
Please enter your name here