SANTO AGOSTINHO, BISPO DE HIPONA

Dom Carlos Filipe Ximenes Belo (Photo: STL News)

STLNEWS.co – Santu ida ne’e santu boot no importante iha Uma-kreda.Ninia influénsia iha mundu, ohin loron, sei maka’as. Nia Santa Mónica nia oan. Nia aman mak Patrício. Labark Aurelius Agustinus moris iha loron 13, fulan Novembru tinan 354,knua Tagaste , Numidia, uluk Império romano nia provínsia.Tagaste agora pertense ba Argélia no ema bolu Souk-Ahras. Aurelius iha tan alin mane ida naran Navigius, no alin feto ida. Agostinho eskola iha Hipona, Madura no Cartago. Iha eskola, Aurelius Agustinus, matenk liu maluk sira seluk. Nia estuda liu mak Lia Latin. Tanba labrik ne’e ulun maamr ni lee autores latinos hanesan Virgílio, Terêncio (poetas), Salustio ( historiador), Marcus Tullius Cicero (advogao no politico e orador)..Wahiran iha tinan 17, moris hamutuk ona ho feto-ran ida., ne’ebe ko’us labarik mane naran Adeodato. Agostinho mos ema gabarola ida; nia hakerek kona ba nia aan rasi: “Ego sum vir eloquentissimus atque ductissimus. Ego sum vir bónus , dicendi peritus” (Iha lia portugés: Sou eloquentíssimo e doutíssimo. Sou um homem bom e hábil orador). Maibé nia la hatene lia Grego, la hatene matematika no jeometria. Nia sai professor iha tinan 13 nia laran iha sidade Cartago. Iha tinan 383, nia muda ba Roma; molok ba Italia, nia husik tiha Adeodato nia inan; hsik mos Adeodato ne’eb iha tinan 12.

Hosi Roma, Agostinho muda fali sidade Milão (Italia). Iha ne’ebá nia hetan Amu Bispo Ambrózio, ne’ebé sei sarani Agostinho, wanhira prfessor boor Retórika nian ho otas 32. Bispo Ambrózio hala’o serimónia batizmu nian iha kalan Sábadu santu, loron 24 ka 25 fulan abril tinan 387. Liu tiha laron balu, Agostinho ho nia inan Mónica fila ba África. Maibé, mamã Mónica moras no saran nia klamar ba Na’í Maromak iha Ostia. Iha tina 388, Agostinho mesak s’ae ró-ahi ba Tagaste. Iha ne’e niia moris hanesan monje (rahib), hodi estuda no reza. Nia oan Adeodato mate iha tinan 389. Iha tinan 391, Agostinho simu ordenasaun saserdotal, hosi Bispo Valerio. Tuir mai, nia mos simu ordenasaun episcopal hodi sai bispo coadjutor ba Velerio 391). Wahinra Valério mate tiha, Agostinho hela falia nia fatin, sai Bispo de Hipona. Bispo Agostinho ukun dioseze iha tinan 34 nia laran. Iha tempo ne’e, nia hakerek livru barak atu funu hasoru ema erétiku hanesan Ariano, Donato (donatistas), Pelagio (pelagianistas), maniqueístas no ema pagaun seluk. Ita sei hatudu livru importante ne’ebeé Agostinho hakerek: De Libero Arbitrio, As Confissões, 397-401; De Docrtina Christiana (397-426); De Trinitate, ou Tratado sobre a Trindade (399-419); De Civitate Dei (Cidade de Deus ), hahú hakerek ih tinan 413 no remata iha tinan 426.

Hatutan pajina 2

LEAVE A REPLY

Please enter your comment!
Please enter your name here