Selebrasaun Tinan 21 Referendum nian iha Timor Loro Sa’e

Dom Carlos Filipe Ximenes Belo (Photo: STL News)

STLNEWS.co – Uluk knana’in ha’u hato’o kumprimentus ba Povu Timor tomak hosi Tutuwala to’o Sitrana (Ambeno), hosi Ataúro to’o Salele (Covalima).

Ita agradese ba N’ai Maromak, Ba ONU, no ema hotu ne’ebe fó tulun, atu iha loron tolu nolu (30) fufan agostu, tina rihun ida atus sia sianulu resin sia (1999), povu tomak, sai hosi sira nia uma no knua, nadodon tui-tuir malu, ba tuu surat tahan ida ho besikusa, ka marka kruz ida ho lapizeira ida iha surat than, hodi hili opsaun “não autonomia dentro da Indonesia”, atu hatudu ba mundu katak povu ne’e hakarak hamiriik mesak, ka sai independente!

Independénsia lolós rai doben Timor Loro Sa’e hahú iha loron rua nulu (20) fulan Maiu tinan rihun rua rua (2002), referendun, ne’ebé diplomata balu “Consulta Popular”. Ho Referedun mak Organização das Nações Unidas (ONU) hatene no rekoñese katak povu Timor Loro Sa’e hakarak sai independente. Ho rekoñesimentu ONU nian mak Timor Loro Sa’e ninia independénsia sai “legal”, “formal” no ”justo”, tuir Direito Internacional.

Ho rekoñesimentu internasional ne’ebá, mak hahú “Assembleia Constituinte” órgaun ida ne’ebé iha “legitimidade” atu prepara Konstituisaun República Democrática de Timor-Leste. Konstituisaun RDTL mak estabelese órgaun de soberania, hanesan: Parlmento, Presidência da República, Governo, Tribunais, bandeira, Lia ofisial, etc. etc.. Hiha tinan 2002, mak Timor-Leste hahú estabelese “relações diplomáticas” ho rai seluk.

Timor Timur, ne’ebé oras ne’e daudaun ne’e bolu Timor-Leste ukun rasik aan iha tinan sanulu resin walu (18). Iha tinan hirak ne’e nia laran, Ita haree iha dezenvolvimentu iha área barak: Iha Timor-Leste iha demokrasia, iha liberdade; iha eskola, institutu, no universidade barak ona; iha ospitál iha fatin barak; povu balu hahú moris diak; iha uma, iha karreta, iha bee, iha ahi (eletrisidade), hahán; ema barak isin diak no hatais diak…

Hatutan pajina 2

LEAVE A REPLY

Please enter your comment!
Please enter your name here