Renova EE, PR Sei Rona Opinaun Husi KE – KSDS

Prezidente Republika (PR) Francisco Guterres Lú Olo (Photo: Media PR)

DILI, STLNEWS.co – Atu renova estadu emerjensia, tuir pedidu husi governu mak Prezidente Republika Francisco Guterres Lú Olo sei rona opinaun husi Konsellu Estadu no Konsellu Superior Defeza no Seguransa.

Liu husi komunikadu imprensa neebe mak STL asesu husi media PR, Domingo (30/08/2020), dehan Prezidente Republika sei rona hanoin sira husi KE no KSDS kona-ba pedidu renovasaun estadu emerjensia.

Prezidente Republika, Francisco Guterres Lú Olo, sei reune ho Konsellu Estadu no Konsellu Superior Defeza no Seguransa atu rona hanoin sira kona-ba pedidu renovasaun estadu emerjensia husi governu.

Prezidente Republika sei konsulta ho Konsellu Estadu no Konsellu Superior Defeza no Seguransa atu rona hanoin ida-idak husi orgaun konsultivu nee kona-ba renovasaun estadu emerjensia, tuir artigu 85, alínea g) Konstituisaun RDTL.

Reuniaun Konsellu Estadu nian sei halao aban, 31 agostu, tuku 9.30 no Konsellu Superior Defeza no Seguransa, iha 1 setembru, tuku 9.30, iha Palasiu Prezidensial Nicolau Lobato.

Governu propoin renovasaun estadu emerjensia ba períodu loron tolu-nulu(30). Estadu emerjensia neebe Prezidente Republika dekreta, iha 5 agostu, ba periodu loron tolu-nulu (30), hahu husi 6 agostu, sei remata, iha 4 setembru 2020.

Hatutan pajina 2

LEAVE A REPLY

Please enter your comment!
Please enter your name here