Zebra FC Derota Ho Lalenok United

Ekipa Zebra FC derota ho nia adversariu Lalenok United ho skor 5-1 iha jogu kontinuasaun COPA FFTL. Jogu refere halao iha Estadium Munisipal Dili, Sabadu (29/08/2020). (Photo: STL News/Maria Tavares)

DILI, STLNEWS.co – Ekipa Zebra FC derota ho nia adversariu Lalenok United ho skor 5-1 iha jogu kontinuasaun COPA FFTL. Jogu refere halao iha Estadium Munisipal Dili, Sabadu (29/08/2020)

Iha inisiu jogu ekipa rua tama iha kampu laran ho ida idak nia performance jogu ninian, hodi lansa atake ba malu iha kampu laran, iha deit minutu 8 sorte monu uluk ba ekipa Lalenok United hodi rezulta golu ida liu husi jogador ho pozisaun avansadu, Daniel Adadi, ritmu jogu nian neebe mak komesa aumenta iha minutu 20, Lalenok United nafatin lidera tan golu ida liu husi Jogador ho Pozisaun Defeza, Santiago Da Costa, ho golu refere la hamate espiritu vontade husi ekipa Zebra Fc nian hodi lansa atake hasoru adversariu Lalenok, iha minutu 34 Zebra FC responde hikas golu ida ba Lalenok United golu neebe marka husi jogador ho pozisaun defeza, Elvis Da Silva, nafatin lansa atake ba malu too termina jogu primeira parte.

Hafoin oras deskansa termina hodi kontinua hikas jogu ba segunda parte nian, ekipa Lalenok United neebe mak halo hikas mudansa ba sira nia jogu kontinua lidera tan golu tolu ba ekipa adversariu Zebra Fc, ho golu neebe mak marka husi jogador Elias Mesquita no Hermeino de Souza ho golu refere to’o termina jogu .

Hafoin jogu termina, treinador Zebra Fc Rogerio Mok hatete, sira iha failansu iha primeira parte iha parte meidu failansu, no mos husi defeza eskerda ho diretu mos hanesan faila iha neeba golu rua segidu tama, maibe ikus konsege reposta ho golu ida.

“Nee komesa halo ona ami nia jogador sira komesa iha ona espiritu iha ona mentalidade para atu avansa nafatin ba oin, maibe ami tenke simu realidade ida neebe akontese tanba ho Lalenok ita hatene katak nia iha Liga nia sai primeiru lugar iha Timor, depois nia ba halo torneu iha Bali, nia kualidade ida nee diak tebes kompara ho ami Zebra” tenik Mok.

Nia relata Zebra antes iha segundu liga, zebra nia kualidade no performance nee tun makas maibe ohin hasoru Lalenok ida boot tebes espera katak ami bele hetan derota husi 5 ba leten, maibe finalidade bele hetan menus husi 5-1 ida nee orguliu boot ida ba ami asei hadia parte neebe mak sei tuir mai.

Nia mos hatete sira hadia ba jogu tuir mai sei hela dala tolu, i minimiza failansu sira neebe mak agora dadauk akontese. Tanba jogu ba ami sei hela dala tolu, karik iha primeiru jogu mak hetan ho ekipa sira neebe mak fraku entaun grafika ituan ba ituan tenke aumenta hasoru kedas ho ekipa ida kee forte tebes nia iha kualidade diak nia iha ekipamentus iha kampu iha fasilidade Kompletu tanba nee mak tenke simu realidade neebe iha. Ami mos sei hadia para iha jogu tolu tuir mai ami sei hadia failansu sira tuir ami iha.

Reportajen: Maria Tavares

Editor: Ekipa STL

LEAVE A REPLY

Please enter your comment!
Please enter your name here