Futu-Sama, Kontra Konstituisaun

Hanesan lideransa masimu iha Instituisaun F-FDTL, Maior Jeneral Lere Anan Timur, labele deklara lia fuan futu no sama, tanba nee krime kontra kostituisaun. (Photo: STL News/Donaciano Magalhães)

DILI, STLNEWS.co – Hanesan lideransa masimu iha Instituisaun F-FDTL, Maior Jeneral Lere Anan Timur, labele deklara lia fuan futu no sama, tanba nee krime kontra kostituisaun.

Kestaun nee Koordenador RNDJK, Angela Freitas hatoo, hodi responde ba Xefe Estadu Maior FALINTIL Forsa Defeza Timor Leste (F-FDTL), Maior Jeneral Lere Anan Timur nia deklarasun neebe hatete, sei haruka membru sira kesi Angela Freitas ho Aitahan Matak sama belar, bainhira iha Loron 4 fulan Setembru 2020 organiza grupu RNDJK, halo demostrasaun hatun Prezidente Republika.

Nia dehan, Jeneral Lere labele hasai liafuan ida nee, nudar Jeneral ida neebe mak lidera instituisaun F-FDTL, ida nee violasaun ida neebe mak haree kontra konstituisaun no labele akontese iha pais demokratiku.

“Liuliu lideransa masimu instituisaun militar nian neebe mak fo sai ba publiku katak sei futu nomos sei sama. Ida nee provoka ona situasaun no ida nee krime,” dehan Angela ba jornalista sira, liu husi konferensia imprensa, neebe halao iha ninia rezidensia, Bairru Formosa, Dili Kuarta, (02/09/2020).

Angela hatutan ema hotu hatene katak buat krime nee violasaun, laos deit fizikamente, maibe verbalmente nomos krime, ema hasai linguagem ida neebe mak provoka situasaun.

Maibe ohin loron povu iha maturidade politika ona, akompana sintuaniza sitausaun sira nee besik liu no sira rasik mos komprende no hatene momos, nia atitude komportamentu kada lideransa iha rai doben TL ida nee.

Enkuantu Grupu Movimentu RNDJK, hamriik atu defende konstituisaun rasik mak defende sidadaun nia direitu politikamente, ekonomika, sosial, nomos kultural.

Reportajen: Efizenia da Costa

Editor: Carme Ximenes

LEAVE A REPLY

Please enter your comment!
Please enter your name here