Simu Estudante Latuir Estandar

Diretor Edukasaun Munisipiu Dili, Duarte Branganza. (Photo: STL News/Blandina Mauno)

DILI, STLNEWS.co – Eskola sira neebe menus fasilidade hanesan meza kadeira, tanba simu estudante latuir estandar ou rasio neebe iha.

Diretor Edukasaun Munisipiu Dili, Duarte Branganza hatete, infraestrutura eskola sira nee iha difikuldade barak, too ohin loron sei infrenta hanesan kadeira ho meza, maibe ba alokasaun fasilidade sira nee sufisiente ona tuir planu neebe mak iha.

“Eskola iha Dili infrenta hela fasilidade hanesan kadeira no meja, ita uza rasio lolos kadeira meza too hela, pur ezemplu governu tau 40 rasio, tanba iha nee uza 90, planu atu simu alunus nee tenke tuir rasio alunus ho professor, no kapasidade sala aula,” dehan Duarte Braganza ba STL, iha knaar fatin Comoro, Dili, Segunda (07/09/2020).

Nia hatutan, orientasaun husi Munisipiu nian sempre iha hela, maibe inan aman balu obriga para ema nee tenke tama, ezemplu estudante ida nee hakarak tama iha eskola 4 Setembru, no professor balun mos dala ruma hatama, maibe tuir lolos laos hanesan nee.

Inan aman tuir Duarte katak, hakarak oan mai eskola fali iha Dili, maibe pelus menus ba Ensinu Superior mak mai eskola, maibe sira sei sekundariu mai ona, entaun palavra neebe mak koloka alunus 40 pesoas tenke liu fali ona, tanba ema husi munisipiu hakarak mai eskola iha Dili.

“Neebe agora kapasidade sala aula serve deit ba 40 pesoas, depois dala ruma ema nain 90 mak tama iha laran, ida nee mak problema ohin loron lahotu, no saida mak nia bele halo nia bandu ema husi munisipiu seluk tama eskola iha nee,” nia hatete.

Maibe nia hatete, ona iha enkontru ho MEJD foin semana liu ba ho prezente ida nee, nia husu ba MEJD para ajuda nia tanba sirkular ladun forti karik, bele hasai sirkular diploma para atu regula ema sira nee labele mai nakonu fali iha Dili laran, tanba kapital nasaun nee tenke hakmatek. Hau iha meus kuandu ema atu mai eskola iha Dili.

“Hanoin eskola sira nee kumpri ho fuan, honestidade no justu, saida halo nee iha rezultadu, maibe simu alunus husi kotuk, tanba ema nee hau nian, ida nee larezolve buat ruma,” nia afirma.

Reportajen: Blandina Mauno/Joaninha Belo

Editor: Ekipa STL

LEAVE A REPLY

Please enter your comment!
Please enter your name here