TOMAK Kontinua Kapasita Feto Atu Foti Desizaun Suporta Familia

Gender and Social Inclusion Specialist TOMAK, Cecilia Da Fonseca. (Photo: STL News/Emerenciana Pinto)

DILI, STLNEWS.co – Toos Ba Moris Diak (TOMAK) hanesan ajensia ida husi governu Australia iha Timor Leste, kontinua kapasita feto sira atu hasae abilidade atu nunee bele partisipa iha vida agrikutura, ou setor seluk atu nunee bele hetan mos rendimentu hodi suporta mos familia.

Kestaun nee hatoo husi Cecilia Da Fonseca, hanesan mos Gender & Social Inclusion Specialist, husi TOMAK ba STL Iha nia knaar fatin Segunda (07/09/2020), hatete oras nee sira kontinua esforsu makaas atu hasae kapasitasaun no abilidade feto sira iha kualker atividade.

“TOMAK nia esforsu ba iha asuntu ida nee haforsa no hasae kapasidade funsionariu, xave husi ministeriu relevantes, hanesan MAP, MS, no ONG parseirus hanesan CRS, Mercy Coors, no World Vision hodi kapasita sira oinsa hasae sira nia abilidade hodi bele transfere ba feto toos nain sira no grupu feto sira, neebe mak existi ona ka komunidade liu-liu toos nain sira, hodi nunee sira bele foti desizaun neebe mak bele fo benefisiu ba sira nia familia nomos ba iha sira nia komunidade.” dehan Gender Specialist TOMAK.

Cecilia dehan TOMAK mos suporta parseirus liu-liu CRS hodi fo treinamentu kona ba empoderamentu ekonomia feto no session ida kona ba oinsa feen laen halo desizaun iha uma laran, liu-liu halo desizaun kona ba rekursu familia nia, nutrisaun familia, oinsa halo komunikasaun diak entre feen laen, respeita malu, rona malu no kolabora malu iha uma laran.

Nomos importante mak feto sira bele halo mudansa iha familia, grupu nomos iha komunidade no infleuensia ba feto maluk seluk, atu tuir mudansa neebe sira halo. Nia hatutan husi esforsu neebe mak iha oras nee feto atinje ona 75-85%, involve iha vida agrikultura no 85% feto mak sai hanesan vendadores.

TOMAK halao programa empoderamentu ba feto maluk sira, hodi nunee sira bele hola large laos iha vida ekonomia deit, maibe iha setor hotu-hotu, nomos TOMAK halo programa nee hodi nunee feto bele sai parseiru ho mane iha vida ekonomia familiar, hodi bele halo mos desizaun iha large nutrisaun familia.

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here