PNTL Sensibiliza Materia Ba Estudante

Polisia Nasional Timor Leste (PNTL), realiza programa sensibilizasaun ba estudante Institute of Business (IOB), kona ba materia Polisiamentu Komunitaria, iha salaun IOB, Dili. (Photo: STL News/Claudios de Jesus)

DILI, STLNEWS.co – Polisia Nasional Timor Leste (PNTL), realiza programa sensibilizasaun ba estudante Institute of Business (IOB), kona ba materia Polisiamentu Komunitaria, iha salaun IOB, Dili.

Segundu Komandante PNTL Munisipiu Dili, Superintendente Euclides Belo hatete, Polisia Nasional Timor Leste (PNTL), realiza programa ida husi Komandu PNTL, liu husi Polisiamentu Komunitaria, ho mehi ida hodi bele servisu hamutuk, atu garante kapitalis seguru ba ema hotu.

Nia esplika fraze kapitalis seguru ba ema hotu nee la signifika katak, la espende kontrolu para bele seguru, maibe tenke partisipa no ativu husi parte hotu.

“Liliu husi parte ensinu superior sira, tanba nee maka agora Komandu PNTL, Munisipiu Dili mai halo sensibiliza materia Polisiamentu Komunitaria no iha mos materia kona ba Tranjitu nian, inklui materia ba investigasaun kriminal,” dehan Euclides, iha Salaun IOB, Dili, Tersa, 08/09/2020.

Euclides esplika materia hirak nee sensibiliza iha universidade, atu estudante sira bele komprementa regras tranzitus nian no mos materia kriminal nian. Materia Tranzitu nian nee persiza komprende no kumpri ba regulamentu neebe iha no ba iha kriminal nian orador sei esplika kona ba tipu de krimi neebe akontese iha Dili.

“Oinsa maka ita bele halo prevensaun hamutuk, laos husi parte polisia deit, maibe presiza husi parte hotu-hotu, oinsa maka akontese krimi ruma estudante universitariu pesoal mente kuandu sira hare no medidas saida maka sira foti, sira komunika ba iha polisia liu husi numeru telefone neebe maka fo hela ba sira” hatete Segundu Komandante PNTL Munisipio Dili nee.

Nia hatutan bain hira estudante ruma lao hela iha dalan publiku no liu husi observa direita ba iha suspeitu ruma ou joven ruma maka konsumu alku no lanu iha dalan publiku, ho nunee estudante bele informa ba iha polisia bele foti medida.*

Reportajen: Claudios de Jesus
Editora: Carme Ximenes

LEAVE A REPLY

Please enter your comment!
Please enter your name here