Hasae Kualidade Profesor

Vise Gabinete Formasaun Professional no Kontinua (GFPC-sigla Portugues), Arlindo Pinto. (Photo: STL News/Natalina Lopes)

DILI, STLNEWS.co – Infordepe neebe tutela ba Ministeriu Edukasaun no Desportu, iha papel importante hodi hasae kualidade professor nivel Ensinu, Pre Eskolar no Ensinu Tekniku Vokasional.

Lia hirak nee hatoo husi Vise Gabinete Formasaun Professional no Kontinua (GFPC-sigla Portugues), Arlindo Pinto, ba jornalista sira, iha Infordepe Balide, Dili, Kinta (10/09/2020).

“Durante ita nia rai hasoru pandemia COVID-19, husi fulan Marsu too ohin loron, Infordepe nuudar Instituisaun Autonomia Administrativamente neebe tutela husi Ministeriu Edukasaun Juvetude no Desportu(MEJD), foti papel importante ida kona ba formasaun nian, hodi hasae kualidade professor sira iha nivel Ensinu, Pre Eskolar ho nivel Ensinu Tekniku Vokasional,” dehan Arlindo.

Infordepe tuir Arlindo katak, halao formasaun laos ba Munisipiu Dili deit, maibe Munisipiu 13 hotu. Hafoin dekreta estadu emerjensia tanba pandemia COVID-19, Infordepe konsege realiza formasaun Online.

“Iha situasaun COVID-19 ita konsege fo formasaun ba profesores dizasete mill (17,000) no profesor neebe tuir formasaun online katorze mill sete sentus oitenta nove (14,789) nee profesor sira permanente no kontratadus, inklui profesores voluntaria 17,000 konsege liu ba formasaun online,” tenik nia.

Nia hatutan formasaun online konsege halao deit iha semana 3 nia laran, profesor sira hotu konsege domina materia neebe fo ba profesor sira.

Formasaun online ba konteudu material COVID-19, fulan Abril, Maiu to Junu Infordepe konsege fo formasaun online ba professor Pre Eskolar sira ho konteudu kurikular, disiplina dezenvolvimentu labarik no jestaun klase profesionalismu profesores.

“Ita uza plataforma 2 ida maka formasaun online no formasaun prezensial, durante fulan 3 ita kontinua formasaun online, depois fulan 3 ita kontinua fila fali formasaun prezensial, too ohin loron ita nia formasaun online liu husi zoom, professor Pre Eskolar no Ensinu Baziku sira konsege lao nafatin,” katak nia.*

Reportajen: Natalia Lopes
Editora: Carme Ximenes

1 COMMENT

LEAVE A REPLY

Please enter your comment!
Please enter your name here