PNTL Prende Motoriza 30

Segundu Komandante PNTL, Munisipiu Dili, Superintendente Euclides Belo. (Foto: STL/Claudios de Jesus)

DILI, STLNEWS.co – Semana ida nee Polisia Nasional Timor Leste konsege prende motorizada kauze 30 resin, tanba laiha kartaun Sim no dokumentus.

Dehan Segundu Komandante Polisia Nasional Timor-Leste PNTL, Superintendente Euclides Belo, ba Jornalista sira iha nia knaar fatin, Caicoli, Dili, Segunda, (21/09/2020).

“Ba semana ida nee prende kuaze 30 tall, ba motorizada sira no ami loron loron tenke halo nunee bele aperta diak liutan ita nia kolega sira iha kapital Dili nee, hodi seguru ba ema hotu bele lao ho hakmatek iha estrada publiku liuliu kapital Dili ,” dehan nia.

Nia dehan, garante seguransa roda viariu nian mak Komandu PNTL munsipiu Dili, dadauk nee simu ona orientasaun hodi hatama iha planu operasaun publiku mensal no semana nee nian, tanba nee laiha eskapa na sira neebe utiliza transporte, motor no kareta kuandu komete iregulariedade lei tranzitu roda viariu preve.

“Hein katak sira la komete kualker iregularidade, ka komete infrasaun no Polisia foti medida ruma ba infrator sira nee tanba komete infrasaun,” dehan nia.

Nia hatutan, Polisia foti medidas tanba hahalok pesoal sira liuliu utilizador transporte sira neebe mak komete iregularidade, tanba nee mak sira foti medidas, espera katak ohin segunda feira sira nain mai foti bileti infrasaun, atu sira bele kumpri sira nia dever hodi selu heban.

“Tanba nee mak ami espera katak eduka ou medida neebe mak polisia foti sai hanesan edukasaun, mezmu klaru katak sira balun laran moras tanba selu, maibe selu nee laos selu ba polisia, maibe selu ba estadu tanba estadu mak kria regulamanetu lei, kuandu ita sidadaun la kumpri, no tenki selu ba sala neebe mak ita komete,” dehan nia.

Reportajen: Efizenia da Costa
Editora: Carme Ximenes

LEAVE A REPLY

Please enter your comment!
Please enter your name here