ILO-UE Tau Fatuk Dahuluk Ba Estrada Lautem-Manatuto

International Labour Organization (ILO) liu hosi projetu Enhancing Rural Access Agro-Florestry (ERA-AF), neebe hetan apoiu fundus husi Uniaun Europeia (UE) tau fatuk uluk no halo kontratu probatoriu estrada rural iha Munisípiu Lautem no Manatuto. (Foto: Donaciano Magalhães)

LAUTEM, STLNEWS.co – International Labour Organization (ILO) liu hosi projetu Enhancing Rural Access Agro-Florestry (ERA-AF), neebe hetan apoiu fundus husi Uniaun Europeia (UE) tau fatuk uluk no halo lansa kontratu probatoriu estrada rural iha Munisípiu Lautem no Manatuto.

Bainhira halo lansamentu liu husi diskursu, Ofisial Responsavel Misaun ILO no Jestor Projetu ERA-AF, Albert Uriyo hatete, sente kontente tebes hodi partisipa iha lansamentu ba faze ikus, ba kontratu probatoriu ba projetu ERA Agro Florestal.

Tanba ida nee sai hanesan pasu importante ida atu hatudu rejultadu realizasaun atravez parseria ba Agro Florestal sustentavel PSAF entre Governu Uniaun Europeia, Governu Alemanha, liu husi GIZ no ILO neebe buka atu hadia povu nia moris liu husi melhora asesu rural, ligasaun ba merkadu kriasaun empregu, oportunidade ekonomika no rendimentu uma laran, neebe sei rezulta ba redukasaun kiak ka pobreza hamenus malnutrisaun no seguransa alimentar.

“Ami ho honestu apresia parseria neebe eziste ho governu no finansiamentu, husi Uniaun Europeia neebe halo buat sira nee posivel,” hatete nia, iha suku Caenlio, Postu Administrativu Ilomar, Munisipiu Lautem, Kuarta (23/09/2020).

Nia esplika estrada neebe halo lansamentu nee involve ona konsultasaun neebe estensivu, ho parte intersandu sira neebe inklui estrada haat hanesan estrada Apatmuto-Lautem hanesan Canfuro, ho total naruk kilometru dez pontu sete (10.7), implementa husi kontrator haat, mak hanesan Ilie chao Unip. Lda, Ormaos Unidos Construction Unip. Lda, Fuiloro Unip.Lda, Om Brother Lda.

Nunee mos estrada Caidavalarin-Liafalun ho total naruk kilometru 1.4 implementa husi Sargas Unip.Lda, no estrada Souro ho total Naruk 2.3 kilometru implementa husi Tehai Celeiro Unip.lda. No estrada Souro Nairete leuro Naruk 3.2 kilometru implementa husi Zorro Construction Unip.Lda.

Estrada rua mak sei halo iha Munisipiu Manatuto mak hanesan Estrada Ainicolau Robae Hatu Ana Hun naruk 3.5 kilometru implementa husi kartini Unip.Lda. no estrada Boroasmanu Manufahi naruk 3.2 sinko implementa husi Ryzena Unip.lda.*

Reportajen: Emerenciana Pinto/ Donanciano Magalhães
Editora: Carme Ximenes

LEAVE A REPLY

Please enter your comment!
Please enter your name here