PR: Covid-19 Nuudar Oportunidade TL Koriji Frakezas Estruturais

Prezidente Republika, Francisco Guterres Lú Olo, iha mensajen ba Sesaun Asembleia Jeral ONU ba dala-75, hateten katak pandemia COVID-19 nuudar oportunidade atu koriji frakezas estruturais. (Foto: Media PR)

DILI, STLNEWS.co – Prezidente Republika, Francisco Guterres Lú Olo, iha mensajen ba Sesaun Asembleia Jeral ONU ba dala-75, hateten katak pandemia COVID-19 nuudar oportunidade atu koriji frakezas estruturais.

Mensajen PR ba Sesaun Asembleia Jeral ONU ba dala-75 neebe mak STL asesu Husi Media PR Domingo (27/09/2020) hatete nuudar Prezidente Republika, no serbisu hamutuk ho Governu uza oportunidade impaktu husi Covid-19 hodi estabelese Planu Rekuperasaun Ekonomika, konsentra ba ema, neebe sei reativa ekonomia nasional, ho medida kurtu, mediu no longu prazu. Nuudar dalan atu hapara ema lakon empregu no rendimentu.

“Estadu asumi nuudar oportunidade ida atu koriji frakezas estruturais”, Prezidente Republika hateten iha ninian intervensaun liu husi vídeo gravadu.

Timor-Leste rejista kazu pozitivu COVID-19 ba dahuluk, iha 21 marsu. Molok Prezidente Republika dekreta Estadu Emerjensia ba dahuluk, sidadaun ida-idak foti ona medidas ba prevensaun.

Iha luta ba prevensaun no kombate hasoru moras corona virus, governu serbisu hamutuk ho Organizasaun Mundial Saude (OMS). Estadu Timor-Leste implementa medidas preventiva no kontrolu liu taka nia fronteira sira, kuarentena obrigatoriu no izolamentu no sensibilizasaun ba povu.

Estabelesimentu Sentru Integradu Jestaun Krize (SIJK) permite iha serbisu koordenasaun entre setores hotu-hotu neebe envolve iha kombate ida nee.

Hatutan pajina 2

LEAVE A REPLY

Please enter your comment!
Please enter your name here