PNTL Hatama Reseitas Ba Kofre Estadu

Adjuntu Komandante Komandu Polísia Munisípiu Dili (KPMD), Superintendente Xefe, Euclides Belo. (Foto: STL/Efizenia da Costa)

DILI, STLNEWS.co – Durante halo pasa ravista durante semana ida husi loron 19 too loron 25, Komandu Polísia Munisípiu Dili (KPMD), konsege rekolla reseitas no hatama ba kofre Estadu hamutuk $5.950 dolar Amerika.

Adjuntu Komandante Komandu Polísia Munisípiu Dili (KPMD), Superintendente Euclides Belo afirma Komandu PNTL Munisípiu Dili iha semana ida nee laran prende motor hamutuk neen nulu resin haat, inklui kareta ida neebe mak komete iha infrasaun.

“Husi numeru hirak nee balun pasa ona bilete infrasaun nian no sira selu ona hamutuk $5.950 dolar Amerikanu,” dehan nia iha knaar fatin, KPMD, Caicoli-Dili, Segunda (28/09/2020).

Euclides esplika, polisia kontinua eduka sidadaun sira, para bele kumpri nafatin regras tránzitu siguransa roda viária nian.

“Ita boot sira bele haree katak iha dalan públiku ita nian seksaun tránzitu iha dader-dader, nunee mos ita nian seksaun hosi servisu administrasaun, no mos hosi forsa rezerva neebe mak reforsa sira hodi garante nafatin siguransa rodaviária,” katak Euclides.*

Reportajen: Efizenia da Costa
Editora: Carme Ximenes

LEAVE A REPLY

Please enter your comment!
Please enter your name here