Governu Laiha Kapasidade Analiza Orsamentu

Vise Xefe Bankada CNRT, Patrocino Fernandes. (Dok: STL)

DILI, STLNEWS.co – Governu laiha kapasidade atu halo analizasaun ba orsamentu, tanba numeru orsamentu lahanesan ho dokumentu, neebe Ministeriu Finansa publika iha portal transferensia.

Vise Xefe Bankada CNRT, Patrocino Fernandes hatete, sistema estrutura orsamentu neebe la hanesan ho dukumentus neebe publika portal tranferesia iha MF neebe errata barak.

“Primeiru Governu laiha kapasidade atu halo analiza ba iha orsamentu rasik, dalaruma membru governu sira tau importansia liu atu lao iha estrada hodi movimentu ba mai, tanba nee la konsentra atu halo sira nia orsamentu, maibe importante ba sira maka kareta no eskoltu sira tuir hodi lian hanesan ambulansia neebe atu lori moras ba ospital,” dehan deputadu nee ba jornalista sira, iha PN, Dili, Segunda (28/09/2020).

Nia hatutan sira agora halo analiza ba orsamentu iha komisaun idak-idak iha problema, tanba laiha konesementu kona ba esperensia governasaun, ou iha intensaun para atu subar buat ruma iha orsamentu nee ninia laran para dezvigu tiha publiku ninia atensaun.

“Agora ami haree no analiza hela, oinsa atu bele haree ba situsaaun sira nee,” nia esplika.*

Reportajen: Domingas Saores
Editora: Carme Ximenes

LEAVE A REPLY

Please enter your comment!
Please enter your name here