TR Seidauk Rejistu Partidu Foun

Prezidente Tribunal Rekursu, Deolindo dos Santos. (Foto: Media PR)

DILI, STLNEWS.co – Prezidente Tribunal Rekursu, Deolindo dos Santos hatete, too oras nee Tribunal Rekursu seidauk rejistu partidu foun ruma, tanba atu rejistu tuir lei partidu politiku, tenke komesa husi Ministeriu Justisa.

Hatete PTR Deolindo ba jornalista, bainhira remata hasoru malu ho PR iha Palasiu Prezidente Nicolau Lobato, Bairru Pite, Dili, Segunda (28/09/2020).

“Bainhira atu ba iha Tribunal Rekursu tuir lei partidu politiku, prosesu rejistu partidu politiku nee tenke komesa husi Ministeriu Justisa iha notariad, depois ida nee mak foin too iha TR, neebe labele iha opinaun ida katak rejistu partidu politiku nee ba imediatu ba iha TR nee sala, maibe ate agora seidauk iha rejistu foun ruma,” dehan PTR Deolindo.

Nia hatutan bele iha rejistu maibe seidauk iha komunikasaun ruma husi Ministeriu Justisa katak, iha partidu foun ruma mak rejistu ona no presiza intervensaun.

Tanba nee mak mosu iha publiku katak iha partidu foun neebe mak mosu nee sei iha hela diskusaun publiku, karik iha ona MJ maibe seidauk too iha Tribunal Rekursu.

Maski nunee Deolindo hatutan, partidu neebe rejistu iha Tribunal Rekursu, mak partidu sira neebe antes nee rejista ona no partidu sira neebe mak oras nee ejiste hela.*

Reportajen: Emerenciana Pinto
Editora: Carme Ximenes

LEAVE A REPLY

Please enter your comment!
Please enter your name here