SÃO JERÓNIMO, Doutor da Igreja (30 de setembro)

Dom Carlos Filipe Ximenes Belo (Photo: STL News)

STLNEWS.co – Santu ida ne’e importante ba ita sarani sira, tan ba nia mak halo revizaun Bíblia iha lia Latim, ne’ebé ikus mai bolu Vulgata.

Naran Jerónimo ne’e Latim; iha gregu dehan Hieronymus, dehan katak: ida ne’ebé nia naran lulik. Nia rasik hakerek: Hieronymus, Eusebio nia oan, há’u moris iha Stridon, sidade ne’ebé oras ne’e daudaun ema Godo sira sobu tiha, maibé, rai ne’e hela iha baliza (fronteira) Dalmacia nian ho Panónia…há’u moris sarani, h’au nia inan no aman ema sarani. Sei iha bersu, há’u simu ona susu-been katóliku”. Knua ne’ebé Jerónimo moris ba, agora iha fronteria Jugoslavia Bósnia, no uluk pertense ba Império romano. Jerónimo moris entre tina 340-350. Nia oan mesak iha tinan 13 nia laran; ikus mai moris tan ali mane ida no alin feto ida. Iha tinan 354, nia halo viajen ba Milão no Roma; iha ne’bá nia estuda gramática, retórica no filosofia. Nia ema foin sa’e ida ulun mamar, ne’e duni nia aprende lalais lisaun sira. Nia lee (sani) autorór latinu sira, hanesan Cícero,Virgilio, Teréncio, etc. Hanesan joven barak, Jerónimo mos moris aat liu no tuir isan mundu nian, do que ba moris tuir doutrina no maral kristaun. Nia simu sakramentu batizmu wainhira otas boot ona.

Hosi Roma nia liu ba Tréveros, atu estuda Teologia iha Academia ida, ne’ebé “famosa” liu iha tempu ne’ebá. Tuir mai, nia ba Aquileia, hamutuk ho klerigu sira ne’ebé lori nia moris tuir kostume kristaun. La dun kontenti ho moris iha Aquileia, Jerónimo halo viajen ba “Terra Santa” iha tinan 273 ka 374. Maibé, iha dalan nia moras, ne’e duni hela kleur iha sidade Antioquia. Ikus mai rezolve atu ba “deserto Calcida”, no Tebaida iha Síria, hodi moris hanesan eremita. Iha ne’ene nia hahú aprende lia hebraico no aprofunda gregu bíbliku.. Iha tinan 378, Jerónimo simu ordenasaun sacerdotal hosi Bispo Antioquia, naran Paulino. Maibé, tan ba nia sente ikatak nia ema ida indignu, Jerónimo nunca reza missa. Hosi Antioquia nia liu ba sidade Constantinopla; iha ne’ebá nia rona lisaun hosi bispo Gregório Nazianzo. Iha ne’e, nia traduz Eusébio de Cesareia nia livru naran Crónicas, no Origines ninia Homilias.

Hatutan pajina 2

LEAVE A REPLY

Please enter your comment!
Please enter your name here