PR Felisita Povu Guine Bissau

Prezidente Republika (PR) Francisco Guterres Lú Olo. (Photo: Media PR)

DILI, STLNEWS.co – Prezidente Republika Francisco Guterres Lú Olo felisita povu Guine Bissau.

Prezidente Republika, Francisco Guterres Lú Olo, iha okaziaun komemorasaun aniversáriu independensia ba dala-47, reprezenta povu Timor-Leste, hatoo felisitasaun no votus prosperiedade no pas ba povu Guine-Bissau.

Guine-Bissau hetan independensia iha 24 setembru 1973 liu husi luta naruk ida diriji husi Partido Africano da Independência da Guiné e Cabo Verde (PAIGC) ho lideransa Amílcar Cabral neebe hatene hametin povu nian unidade ba objetivu komun.

“Bainhira ami luta namanas hela ba libertasaun nasional, ita-nia asaun, sai motivu ba inspirasaun,” hatete Prezidente Republika Francisco Guterres Lú Olo liu husi Komunikadu, Kinta (01/09/2020).

Prezidente Republika akompanha nafatin prosesu iha Guine-Bissau no bele hetan susesu.

Timor-Leste nia luta ba ukun rasik-an hetan influensia makaas husi movimentu libertasaun nasional Guine-Bissau, liuliu ho pensamentu polítiku Amilcar Cabral ninian.

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here