Membru Governu Tenke Kualidade

Membru Governu iha governu da-8 tenke iha kualidade, atu nunee bele halao servisu ho diak hodi servi povu no nasaun Timor Leste. (Foto: Media PN)

DILI, STLNEWS.co – Membru Governu iha governu da-8 tenke iha kualidade, atu nunee bele halao servisu ho diak hodi servi povu no nasaun Timor Leste.

Xefe Bankada Uniaun Demokratika Timorense (UDT), Deputadu Francisco David Xavier Carlos hatete, membru governu neebe hola-parte iha estrutura governu, tenke kualidade hodi garante governasaun diak.

“Ita hakarak garante kualidade governasaun ida diak laos deit atu evita korupsaun, maibe nomeasaun politika neebe sai membru governu tenke kualidade laos eskola SMA oan ida sai level 3 sai ba Sekretariu Estadu nee laos,” dehan nia liu husi OJE 2020, iha faze jeneralidade loron dahuluk, iha plenária Parlamentu Nasionál, Dili, Kinta (01/10/2020).

Antes nee mos, Prezidente Komisaun A, Deputadu Joaquim dos Santos, preokupa ho membru governu neebe jere osan Estadu nian iha Governu da-8.

“Haree ema sira-neebe iha duni kapasidade mak aloka ba knaar sira (finansa publika), labele naran tau ema neebe laiha kapasidade ba gasta osan laloos.

Ida-nee apenas rekomendasaun hosi komisaun detekta depois husu ba governu atu hadia intermu organizasaun liuliu sistema governasaun ema sira-neebe hola parte estrutura nee tenke halao servisu loloos,” katak nia.

Nia dehan, servisu tuir lei no labele inventa sasan, nunee ezekusaun OJE, lao tuir lei haruka no osan nee bele too iha povu nuudar benefisiariu.*

Reportajen: Natalina Lopes
Editora: Carme Ximenes

LEAVE A REPLY

Please enter your comment!
Please enter your name here