Orsamentu Ba DNASE Millaun US$204,096

Diretor Nasional Asaun Eskolar (DNASE), MEJD, Joaquin Martins (Foto: STL/Blandina Mauno)

DILI, STLNEWS.co – Diretor Nasional Asaun Eskolar (DNASE), Ministeriu Edukasaun, Juventude, no Desportu (MEJD) Joaquin Martins hatete, aprezenta orsamentu iha Parlamentu Nasional, ba atividade 2021, total orsamentu fiskal hamutuk Millaun US$204,096.

“Diretor jerais sira MEJD aprezenta hela orsamentu iha Parlamentu Nasional ba planu atividade tinan 2021 nian, liliu ba diresaun nasional nasaun sirkular, depois hetan aprovasaun orsamentu iha PN. Atividade neebe ami halao ba area lima hanesan programa marenda eskolar, desportu eskola, saude eskola, otas eskola no ikus apoiu material emerjensia ba eskola,” hatete Diretor Nasional Asaun Eskolar, Joaquin Martins ba jornalista sira iha Salaun IAN Martin Infordepe Balide Kinta (01/10/2020).

Nia hatutan, konaba marenda eskolar, ema hotu hatene katak bazeia ba lei despaixu iha munisipiu, entaun orsamentu sei aloka husi Ministeriu Administrasaun Estatal, maibe politikamente sei kontinua nafatin husi MEJD, oinsa atu bele kria implementasaun ba programa nee rasik, depois oinsa halo monitorizasaun avaliasaun involve parte hotu, atu nunee bele garante katak, programa ida nee bele lao diak liu tan.

“Implementasaun programa nee rasik iha diresaun nasional nasaun eskolar, ami elabora manual ida, hein katak depois hetan aprovasaun ba orsamentu neebe fo sai ona katak sekuente sentavus maibe sei hein aprovasaun husi parlamentu nasaional. Konaba programa sira seluk, liliu ba apoiu emerjensia, ita mos kontinua tau hela orsamentu, tanba dezastre naturais kuandu akontese lakonsege bainhira, tanba nee mak diresaun kontinua hela preve orsamentu liliu ba apoiu emerjensia sira,” tenik nia.

Alende nee mos, bazeia ba orsamentu limite sira mos labele halo buat ida maibe koko esforsu nafatin atu nunee bele implementa programa eskola nian.*

Reportajen: Blandina Mauno

Editor: Ekipa STL

LEAVE A REPLY

Please enter your comment!
Please enter your name here