Aderito: Aliadu CNRT Nafatin Simpatia, Mezmu Afavor Proposta OJE 2020

Koordenador Jeral Komisaun Jurisdisaun Partidu CNRT, Reprezenta CPN atual Deputadu Bankada CNRT Aderito Hugo. (Foto: Facebook)

AILEU, STLNEWS.co – Relasiona ho diskusaun proposta Orsamentu Jeral Estadu (OJE) 2020, pasa iha jeneralidade ho votus 44, abstensaun 21, mezmu aliadu CNRT fo votus afavor, maibe nafatin simpatia i komunika ho CNRT.

Tuir Koordenador Jeral Komisaun Jurisdisaun Partidu CNRT, Reprezenta CPN atual Deputadu Bankada CNRT Aderito Hugo hatete, horisehik Sesta aprovasaun ba proposta OJE 2020 iha jeneralidade neebe Bankada CNRT hamutuk ho CPN espesialmente ho maun boot Xanana iha pozisaun seriu ba diskusaun nee. Pozisaun CNRT nian nee oinsa, maibe ba nesesidade povu no nasaun nian, durante fulan 9 liu ona makina estadu funsiona deit ho orsamentu duodesimu.

“Ita CNRT ohin loron iha ona pozisaun nafatin opozisaun, imi hotu asiste rezultadu votasaun, i iha votus neebe ita akompana nee afavor 44, ita mezmu opozisaun maibe iha mos aliadu sira neebe kontinua simpatia ho CNRT hanesan bankada sira neebe mak lahola parte ho bankada governu. Votus horisehik ba jeneralidade nee 44, maibe ita iha aliadu sira neebe mak durante nee lao hela ho CNRT hanesan PD, FM, UDT, PUDD entermus komunikasaun entre partidu, bankada ita lao nafatin, maibe tanba sira partidu kiik, neebe komprende”, katak Aderito iha konsolidasaun OJP Partidu CNRT iha munisipiu Aileu Villa Sabadu (03/10/2020).

Nia dehan, as veses iha pergunta tanba sa mak ho votus 44, maibe atu dehan katak sira partidu kiik sira laiha dalan seluk, neebe husu atu bele komprende, sira nia votus afavor.

Entretantu observasaun STL katak, iha debate proposta OJE 2020 ba faze jeneralidade durante loron 2, deputadu sira aprova ho votus afavor 44, kontra 0, abstensaun 21. Votus afavor 44 mai husi bankada 7 mak hanesan Fretilin 23, PLP 8, PD 5, Khunto 5, UDT 1, PUDD 1, FM 1, enkuantu votus abstensaun 21 mai husi deputadu bankada CNRT 21, kontra 0.*

Reportajen: Guilhermina Franco
Editor: Ekipa STL

LEAVE A REPLY

Please enter your comment!
Please enter your name here