Governu Inkapasidade Kontrola Fronteira

Deputadu bankada Fretilin, Joaquin Dos Santos. (Foto: STL/Alberto Menezes)

DILI, STLNEWS.co – Governu liu husi ministeriu relevantante laiha kapasidade ou inkapasidade, atu kontrola fronteira, tanba ema kontinua tama sai ilegal iha neeba.

Deputadu bankada Fretilin, Joaquin Dos Santos konsidera kapasidade governu sei mukit atu kontrola lina fronteira, tanba movimentu illegal kontinua akontese iha lina fronteira.

Nia dehan, tuir informasaun neebe nia parte simu relasiona ho serbisu membru polisia iha lina fronteira no konsege kaptura sidadaun balun neebe liu dalan illegal no balun ba kaptura iha munisipiu.

Nunee nia dehan, movimentu illegal kontinua akontese iha fronteira tanba kapasidade governu sei mukit hodi kontrola iha lina fronteira terestre.

“Signifika ita nia kapasidade atu kontrola lina fronteira terestre liu-liu jalan tikus nee sei frazil tebes’’ dehan deputadu bankada Fretilin, Joaquin dos Santos wainhira halo intervensaun iha pedidu estensaun estadu emerjensia daneen iha parlamentu nasional, Sabadu, Dili, (03/10/2020).

Tanba nee nia dehan, governu presiza mobiliza polisia sira iha munisipiu atu ba reforsa seguransa iha lina fronteria, nunee bele trava movimentu ilegal sira neebe kontinua akontese.

“Primeiru Ministru no Ministru interior tanba saida mak ita labele mobiliza polisia iha munisipiu sira hodi haforsa iha fronteira, tamba ita mobiliza rotativamente polisia iha haforsa fronteira, hau hanoin ema labele haksoit ilegal tanba nee ho konsidera hanesan perigu tebes iha situasaun Covid-19 nee,” hakotu nia.

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here