PM Taur: Profesor Nudar Eroi Sein Rekonesimentu

Primeiru Ministru (PM) Taur Matan Ruak Informa profesor hotu neebe dedika sira nia an hodi eduka estudante hotu iha Timor Leste hanesan eroi neebe sein iha konesimentu. (Foto: Gabineti PM)

DILI, STLNEWS.co – Primeiru Ministru (PM) Taur Matan Ruak Informa profesor hotu neebe dedika sira nia an hodi eduka estudante hotu iha Timor Leste hanesan eroi neebe sein iha konesimentu.

Nunee Loron 5 fulan-outubru nudar loron mundial ba profesor sira nian iha mundu tomak, loron neebe dedika espesial ba profesor sira, ba sira-nia dedikasaun, empeñu no kontribuisaun hodi hanorin no eduka ita nia sosiedade sira.

“Profesor sira nuudar eroi verdadeiru no eroi seim rekonesimentu neebe dedika sira-nia enerjia tomak hosi loron ba loron hodi atura no hanorin ita-nia oan sira atu sai ema neebe util ba nia povu no nasaun,” jaktuir komunikadu Gabineti Primieru Ministru neebe STL asesu,Tersa (06/10/2020)

Profesor sira mos nuudar pilar importante neebe molda karater estudante sira hodi sai ema neebe edukadu no iha valor ba sosiedade.

“Aproveita loron ne, hodi ha’u-nia naran rasik no lori VIII Governu Konstitusionál nian naran, hakarak hatoo parabéns ba profesór sira hotu iha teritóriu laran tomak, ba imi-nia loron espesiál ida ne’e. Governu sei kontinua halo esforsu para tau matan nafatin ba ita-boot sira no ita-nia sistema edukasaun iha rai laran, atu nune’e bele eleva ita-nia kualidade edukasaun,” Haktuir komunikadu nee

“Hau hatoo obrigadu wain ba profesor sira hotu, ba imi-nia dedikasaun, pasiensia, persistensia, responsabilidade no kariñu neebe imi hatudu liuhosi imi nia hanorin no ezemplu hodi prepara rekursus humanus neebe ho kualidade ba dezenvolvimentu no moris dikak ita nia nasaun nian,” komunikadu nee haktuir.

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here