Horta: Lideransa Diak, Tenke Estuda

Premiadu Nobel Da Paz Jose Ramos Horta hatete, atu sai lideransa neebe diak, joven tenke estuda makaas. (Foto: STL/Donaciano Magalhães)

DILI, STLNEWS.co – Premiadu Nobel Da Paz Jose Ramos Horta hatete, atu sai lideransa neebe diak, joven tenke estuda makaas.

Kestaun nee hato husi Premiadu Nobel Da Paz Jose Ramos Horta ba jornalista sira hafoin halo abertura ba Formasaun Juventude neebe halao iha RYLA, Maloa, Dili Segunda, (05/10/2020).

Nia hatutan juventude sira neebe mak partisipa iha programa hanesan RYLA ou programa hanesan NGO ba futuru sira seluk neebe igreija orienta mak kaer programa formasaun na ba lideransa.

“Hau hanoin juventude sira neebe mak atu sai lideransa neebe mak diak mak tenke estuda no estuda labele estuda bosok, labele estuda so para hetan deit diploma,” tenik Horta.

Eis Prezidente Republika nee akresenta programa konaba dezenvolvementu neebe mak kaer liu husi Sekretariu Estadu Juventude no Desportu liu husi Ministeriu Kultura ka Edukasaun sira nee seriedade iha kualidade, apoiu makas programas neebe joven sira partisipa, programas oin-oin konaba meiu ambiente, konaba lideransa konaba papel juventude hametin dame, papel juventude ba futuru, programa sira nee governu mak organiza liu husi SEJD, ou SEFOPE no igreija.

Iha fatin hanesan Diretur RYLA Timor Leste Jorao Pereira hatete treinamentu ba programa ida neebe eziste ona iha RYLA durante tinan 11 nia laran, tinan ida nee eziste nafatin iha halo konferensia ba semana ida no partisipantes sira neebe mak tuir hamutuk ema 100 ida feto 50 no mane 50.

“Hau hanoin sei marka prezensa husi orador sira neebe mak diferentes liu liu orador sira neebe mak hanesan eis titulares sira oradores sira neebe mak liu liu kaer pasta governu nian sei fahe informasaun ba partisipante sira durante semana ida nia laran,” dehan Joarao.

Reportajen: Maria Tavares
Editor: Ekipa STL

LEAVE A REPLY

Please enter your comment!
Please enter your name here