Pasiente Ba Rai Liur Karun

Deputadu David Dias “Mandati” Ximenes husi Bankada Fretilin. (Foto: Facebook)

DILI, STLNEWS.co — Reprezentante povu iha Uma Fukun Parlamentu Nasional kestiona makaas politika governu halo transferensia pasiente ba rai liur, tanba karun liu fali sosa ekipamentus ba Hospital Nasional Guido Valadades (HNGV).

Deputadu David Dias “Mandati” Ximenes husi Bankada Fretilin liu husi sesaun plenariu iha PN, Dili, Tersa (06/10/2020) dehan, desde uluk kedas koalia konaba material iha Hospital Nasional Guido Valadares (HNGV).

Nia hatutan akizisaun ba material importante no urujenti, karik mak laiha rekursu sufisenti, tanba ohin loron maluk xineza sira mos iha nee, Australia nomos Cuba mos iha nee, rekizisaun atu kontratu nee espesializa kedas.

“Tanba haruka ema ba rai liu nee karun liu fali ita sosa sasan nee tau kedas iha nee,” afirma Mandati.

Pasiente neebe transfere ba rai liur tuir Mandati oras nee hein deit iha neeba, tanba Corona Virus, pasiente sira nee balun mate tan mos sei iha, iha semana ida nee nia laran nain rua mak mate, hein atu lori mai maibe labele tanba COVID-19. “Tanba saida, aviaun mos laiha, ita tenke hein fali autorizasaun hospital,” informa Mandati.

Nia sujere karik maluk sira neebe mai husi xina, Cuba nomos Australia halo kontratu ho sira, durante tinan 5 iha ema balun ba eskola no balu akompanna sira hodi halao servisu sira nee, depois tinan 5 kompletu ona.

Nunee TL labele garantia sai ba liur, sai ba liur osan neebe iha oituan, gasta hotu. “Agora pasiente 20 ital mak atu haruka tan ba rai liur. Maibe ita izita no izita ema balun mate tiha ona, agora ita iha nee bele koalia tanba ita saudavel,” relata Mandati.

Iha fatin hanesan Deputadu Abel Pires da Silva husi Bankada PLP husu Ministra Saude, Odete Maria Freitas Belo, halo tuir kestaun neebe deputadus sira hatoo ba, tanba 2020 atu hotu ona, maibe operador makina seidauk iha atu halo operasaun.

“Hau hakfodak oituan tanba foin hatene katak 2020 nian rohan ona, mas ita seidauk iha operador makina,” dehan Abel.

Iha fatin seluk Diretor Nasional Servisu Apoia Hospitalar no Emerjensia, Nilton da Silva do Carmo, dehan durante EE Hospital Nasionál Guido Valadares (HNGV), rekomenda pasiente ba Malaysia nain haat (4), ba Indonezia nain hitu (7).

Husi pasiente nain 11 neebe rekomenda ba halo tratamentu iha rai liur, iha nain rua mak lakonsege salva vida aumezmu tempu labele lori mai Timor Leste, tanba mate iha situasaun COVID-19 nia laran tanba nee pasiente hakoi deit iha Jakarta, Indonezia.

Nia konta katak, pasiente nain rua ida mate iha fulan Marsu iha situasaun lock down no ida seluk mate antes fulan kotuk liu ba.*

Reportajen: Jeniche da Costa
Editora: Ekipa STL

LEAVE A REPLY

Please enter your comment!
Please enter your name here