Proposta OJE 2020 Passa Iha Final Global

(Foto: STL/Guilhermina Franco)

DILI, STLNEWS.co – Parlamentu Nasional (PN) aprova ona proposta OJE 2020 ho montante Biliaun $ 1.4 resin pasa iha final Global ho votus afavor 43, kontra 21, abstensaun 1.

Liu husi sesaun plenariu Kinta (08/10/2020), diskusaun Proposta OJE 2020 iha espesialidade ba loron dahaat no ikus mai liu husi votus direta deputadu sira aprova proposta OJE 2020.

Hafoin votasaun Pezidente PN Aniceto Guterres anunsia liu husi plenaria katak, rezultadu votasaun ho votus afavor 43, kontra 21, abstensaun 1. Ho nunee proposta OJE 2020 pasa.

“Tanba Proposta OJE aprovadu ona, hau husu ba komisaun C trata asuntu finansas publika posibilidade ohin lokraik bele rezolve redasaun final, atu nunee aban dader bele enkamina ona ba Prezidente Republika (PR), halao promulgasaun”, katak PPN.

Entretantu votus afavor 43 mai husi bankada 6 mak hanesan Fretilin 23, PLP 8, PD 5, Khunto 5, Frente Mudansa 1, PUDD 1. Entretantu votus kontra 21 mai husi bankada CNRT, no votus abstensaun 1 mai husi bankada UDT.

Reportajen: Guilhermina Franco/Domingas Soares
Editora: Carme Ximenes

LEAVE A REPLY

Please enter your comment!
Please enter your name here